المستجيرة
في حدا الصباحات صباح(ن) قبل الظهيرة
بعد فجة الضو والشمس توها ترخي جدايل تحاريرة
اشوف عين الشمس مريضة والغمام يبدي تباريرة
الرعد والبرق تلايمن ع روس بعضهن تماريرة
الرذاذ والندى والديم والبشاير هَلَّت مطيره
فاتت عليَّ تنصتني وأَدهرتني مِستجيرة
هذه من صايحات الضحى يسامع صياح المريرة
كم من صايحة ونايحة وتنتخي وين فرسان العشيرة
لفت ملفى العز من روس الغوالي وتخسى كل المعاذيرة
تمشي تِلفت وجه وقفا بعيون(ن) مستديرة
متناقلة متثاقلة متوالفة متخالفة ابدت معاذيرة
حالها يقول نِشدتك وعيونها حايرة وكلها حيرة
هلا وغلا عزيزة ملفى ومقفى حتى تهلل اساريرة
عيب(ن) عليَّ اللي يرد المطلين ويقطع وصل الهجيرة
الله لا يقطعنا من المطلين عساهم يجونا افواج غفيرة
وكاد انه ع الوجه والجلا طريدة شريدة حسيرة
وخفش جنحان المشاعر من قلة الحيله تشوفه كسيرة
مجبورة ومجبور الخواطر يدور تجابيرة
هايجه مايجة واحواله مثيره
فوق مرمى الحدس وهقوتي تقول الشغلة كبيرة
ولا خاب ظني لفتني بين دخيلة او مستشيرة
دمع عيونها يقول انا عندك ضيفه ما انا اسيرة
انا المجروحة انا الحزينه انا للالم سفيرة
حسبتها متشوف من خجلها مثل العجوز الضريرة
واشوفه تعكز جال(ن) دون جال كمن يشتكي عويرة
حملتها وحسيت نبض قلبها بيدي الفقيرة
ترتجف ترتعد وقلبها ينبض قصة وقصة مهي يسيرة
قلبها مقهور مقطوع النفس تشتكي هَلَ الديرة
ما حصل من يحل المشكلة ويعزز تدابيره
فاتت تعتلي عالية الخُطى خُطاها كما الأميره
بلغوا كل اليمام كل الجمام حتى حمام الجزيرة
هلا وغلا ابشري ابد ما أصير كالذي باع ضميرة
ابشري بالفزيع والهزيع والنجيع ونِعم المستجيرة
كل خلق الله لهم ذمة والذمة عند الله ذُمة كبيره
وعيت تشرب الما وش القالة وش الجريرة
القصة مهي ما وكلا وشطيرة وفطيرة
وكاد ان ظروف الدخيلة ظروف(ن) عسيرة
توحي القصة ان عيشة الدخيلة عيشة مريره
كم وكم(ن) على كم عايش(ن) عيش الستيرة
وكم من الضيفان وراهم اسرار(ن) كثيره
كدر وهموم وثقايل وحمول كبيرة
خايفة هَل المحاس ومستغربة وجوه عَشيرة
تعالي لا تخافي وظليت اصبرها تصابيرة
اصبري يبنت الحلال تفرج بعد كل التعاسيرة
اعرف ان الدخيلة تدور للامر تياسيرة
ودها تقدم للعدالة كل التقاريرة
يا من يكفني شر راعيين العقول الصغيره
اعود مرة ومرة واوضح للمتابع شروح وتفاسيره
هذه قصة يمامه قَصرِن إِخطاها تدور جار وجويره
وقِصِر منها الجناح وبين عجزها وممنها تِطيرَه
توشعتها الكلاب والقطاط ولزتها المحاذيره
في سما الصيف قالو يِمامة وذي تقادير وللقدر تقاديرة
وفي دِحي الشتا قالو جِمامة وذي اللغة وذي مخابيرة
في القصايد ومع رف الحمام اسمه حمامة كثرت تعابيرة
حفيتها وزفيتها واسقيتها وطمنتها وخففت عنها هديرة
ضيفة منيفة حشامة وكرامة حتى العصير عقب الظهيرة
طيرتها حرة في امان الله وعند الله اجور(ن) غفيرة
طارت طاحت ردت طارت والله ربي تولى مصيره


hglsj[dvm