قصيده تحدد ديار الرولة


بسم الله الرحمن الرحيم

السلام عليكم ورحمة الله وبركاته

قصيده جغرافيه لتاريخ مضارب بادية الروله
للشاعر :ســليمان بــن لــويزان الــرويــلـي من ( محافظة الــقــريـــات)

هـذه الـقـصيـده تـوضـح مـسار الـروله بالأراضــي التـي يسـيرون معـها بالزمـان السابـق والقبائل التي تحـدها مـن الشـمال واليـمين ، ومـن الشمال ( قبـيلة السبـعة ، والفـدعان ، والعـمور ، والعـمارات ) ومـن الجـنوب ( قبـيـلة بـني صخر ، والحـويـطـات ) ومـن الـشـرق ( قبيلة شمر ) .





بديت بأسم الله على الخير وسـرور
بسط حثاث القاع ورفـع السمـوات
ابرك من الدنيـا ليـا قبـل النـور
الركعتيـن وختمـهـن بالتحـيـات
الطيب لأهل الطيب واضح ومذكـور
وتبقا علومـه شامخـاتٍ جزيـلات
حنا هل العلياء ويرجع لنـا الشـور
والعز لأهل العز سـاس البطـولات
تاريخنا معروف من ماضي العصور
ومتوجينـه بالعصـور القديـمـات
وشيوخنا الشعلان بيـرق وصابـور
هـل الفعـول الطيبـه والنزيهـات
تاريخهم بالجوف واضـح ومشهـور
ويشهد على ماقلت كافٍ لنـا اثبـات
ولا نثبت التاريـخ بشهـادة الـزور
ولا ندعي بالكذب وكثـر الحيـالات
تحدنـا البلقـا وسكانهـا صـخـور
وماحاشت الصفحه قبايل حويطـات
ومن الشمال السبعه وفدعان وعمور
وقبايلٍ أخرى لهـا حـدود بالـذات
ومن بعدها حايل وشمر بها حضـور
وشثاثـا للهذال ومعهـم عـمـارات
ومن أيسر الخنفة ليا أيمـن الطـور
ومن هضبة الجولان لطعوس حومات
ومن أيمن الشنبل ليا شفـاء الغـور
ومن وادي الامياه لجبال السـروات
ومن حدري الوديان لفروع أبا القور
هـذي مراتعنـا ماهـي خفـيـات
تدوسهـا قطعاننـا شمـخ الـخـور
وماحدة الرطبه ليـا جـب و لمـات
ولاهو ردى باقي النـاس وقصـور
كلٍ على حقه حريـص الكرامـات
واليوم حكم السعود ولحداً لهـم دور
وبه انتهى عصر الدجل والظـلالات
خلايف المقرن مشاهيـر وصقـور
وبحكمهم الذيب يرتـع مـع الشـات
وصلاة ربي عداد ماهـل شختـور
على رسـول نّـور الديـن بآيـات



وسلامتكم

الــــــشـــــآعــــر : ســليمان بــن لـــويـزان الــرويــلــي


rwd]i jp]] ]dhv hgv,gm