أتهيدين اركيبات

أتهيدين اركيبات

أتْهَيْدِينْ ارْﯖـََيْبَاتْ


جمع و تدوين:


الشاعر ماء العينين احمد محمود ولد النيسان


بسم الله الرحمان الرحيم
الحمد لله وحده فاطر السماوات و الارض وخالق الانسان من ذكر وانثى بث من هما شعوبا و قبائل للتعارف و الصلاة على افضل خلقه على الاطلاق محمد رسول الله صلى الله عيه و سلم و بعد:
احاول هنا ان اجمع بعض من ما تيسر لي من مدح في حق قبيلة الرگيبات الشرفاء من الشعــــر الحــساني و خاصة ماقاله الاديب و الشاعر المورتاني الراحل سدوم ولد ابادو ولد آبا ولد الجيش ولد سدوم ولد اندرت في اربعينات و خمسينات القرن الماضي وبعض ما قاله غيره من الشعراء الذين اجادوا في وصف امجاد هذه القبيلة التي برهنت عن اهليتها للمدح كغيرها من القبائل الصحراوية التي امتدحها الشعراء الحسانيون و الفنانون امثال ابناء هدار و محمد لمام ولد الزين و محمد فاضل ولد الخرفي و ادخيل ولد سيدي باب و لحبيب ولد اصنيب و الطيب ولد يارا و ولد انكذي وووووو...
واخترت هذه القبيلة بالذات لألج من خلالها باب المدح من بابه الواسع فبعد هذا الكتيب المخصص اشرع مباشرة في كتاب اسميته اتهيدين و الذي يضم الكثير من ما قيل في هذا اللون من الشعر في مدح الافراد و القبائل
اما قبيلة ارﯕيبات فتعود تسميتها الي جدها الشيخ سيدحمد الرﯕيبي واكتفي بالتعريف الذي جاء به الاستاذ نيمة محمد في مقدمته للتعريف بالولي الصالح داول ولد امحمد حيت قال :
ولد الشيخ سيدي احمــد الركـــــيبي حـــوالي عام 999 هـجرية الموافق ل: 1590 للميلاد بنواحي وادي درعة في منطقة لخراويع ، توفي وعمره 75 سنة حوالي 1074 للهجرة الموافق ل: 1665 للميلاد ودفن بالساقية الحمراء بوادي الحبشي ، وفي مخطوط عائلي يعود الى القرن الثالث عشر يقول كاتبه :
( اما بنو الليث فجدهم المرابط الولي الصالح الشريف الزاهد الــــــــسيد احمد الرقيبي ، كان قاطنا بوادي درعة وانتقل منها وترك فيها المال والعبيد والنخيل). ثم ذهب منها الى ارض لخنيكات واشتراها من اهلها الى الوادي المسمى الشبيكة . حفظ القرآن بالقراءات المعروفة وكانت تلك عادة آبائه وابنائه من بعده عندما حل بالساقية الحمراء اعتزل الناس ودخل الخلوة عشر سنوات كاملة وهي عادة اهل الزهد والتصوف ونذكر منهم خلوة جده مولاي عبد السلام بن امشيش بجبل العلم والشيخ ابو عبد الله مجحمد بن سليمان الجزولي الى غير ذلك . وعند خروج الشيخ سيدي احمد الركيبي من خلوته تقاطرت عليه القبائل وسكان المنطقة الذين شاعت بينهم اخباره وولايته وزهده وشرفه قصد زيارته والتبرك منه والانتفاع بدعواته . اشتغل الشيخ بيده في الحراثة وسبقه اليها جده المولى عبد السلام .وبعد خروجه من الخلوة واشتغاله بحراثة الارض تزوج الشيخ من السيدة العايزة منت الشيخ اعلي وهي من قبيلة سلام وترك منها ابناءه بالعزة والتوقير وهم : قاسم ـ احمد ـ اعمر ـ سلطانة . وقد حمل سيدي احمد الركيبي اسم ابيه احمد الذي توفي بمنطقة تسمى اركيبة بنواحي وادي درعة وتوفي والده ايضا قبل ولادته . وقد توفي سيدي احمد الركيبي الجد في مــــنطقة تامكروت بنواحي زاكورة قادما من امحاميد الغزلان وحمل ابنه اسمه من بعده . و كما سلف الذكر بالنسبة
* لــقــاســـــم
* اعـــــلــــــي
* اعــــــمـــــر
فهؤلاء الاجداد هم الذين تتفرع عنهم اعراش قبائل الركيبات ، فالقبيلة تشبه في تكوينها شجرة لها اصل واحد الا ان هناك عملية مستمرة لتوالد الفروع التي تؤدي الى اوالية الانشطار والتي ترافقها في نفس الوقت اواليه معاكسة هي اوالية الانصهار . وكل ما كان هناك تهديد خارجي وما دام ان القبيلة تمت الى اصل واحد وجذع مشترك فهناك مساواة مطلقة بين افرادها .
انتهى قول الشاعر نيمة محمد

المصدر: ..ٌ::ٌ:: النسابون العرب ::ٌ::ٌ.. - من قسم: مجلس قبائل موريتانيا

---

Hjid]dk hv;dfhj

النــســــب
اماا نسبها اختار قطعة للشاعر المجاهدي خطار قالها في نسب جده داود ولد امحمد بن قاسم بن الشيخ سيدحم الركيبي :

دَاوَدْ وَلْ اَمْحـَــــمَّدْ وَاجـَّـــدْ قاَسَـــمْ ذَرِّيَّة ْ سِــــــــيدَحْمَدْ
الرَّاﯕَبْ فَالرَّﯕْبَ مَــشْهَــــدْ لَلزُوَّارْ اتـْــــِج مَـــسْـــــتَنَّ
شـَــوْرْ الْخـَـرَاِويعْ اُشَــــيَّـدْ ضَِريحْ الثـَّــانِي تـَــتـْـــعـَـنَّ
زُوَارْ اتـْــِج مَنْ كَــلْ اَبْـلَدْ تَسْتــَــــــفـْـــتَحْ تَرْجَ تَتـْـمَنَّ
وَ الثاَّلَثْ فاَلْحـَـبْشِي شَنـْـعَـدْ اَللــِّـــي جَ زَايـَـــرْ جَـــدْاَنَّ
سـُـــلاَلَةْ بُوهـَـــــــمْ مُحَــمَّدْ بَنْ يُوسَفْ حــَــــدْ اِلاَ غـَـنَّ
يَسـْـــــوَ لَغــَــنَّ ذاَك ْاَكـْـــرَدْ بَنْ عــَالِي عـَــــــبْدَ اللهِ اَنَّ
رَاجـِـعـُــونَ الْوَالَدْهَمْ عـَــبْدْ الْكــَــــِريمْ اَيْنَ مــَــا كـَـــنَّ
اَحْمَدْ بَنْ مُوسَى جَدْ وُعَــدْ عَالِي بَنْ غـــَـــــانِمْ لَـكِـــنَّ
كاَمَلْ بَنْ تَكَمِيلَ لَََمْـــــــجَـدْ لْزَيْنْ الْعــَــــاِبدِينْ اَمْــــــدَنَّ
لَلشَّرْفَ لَحْرَارْ افْمَــــقْصَــدْ حَيْدَرْ بَنْ يَعـْـــــــقوُبْ لَكِنَّ
شِيعَ مَا گَطْ اَجْــــــبَرْهَا حَـدْ فـَــمْرْ الشـَّـــِريعَ وَ السـَّـــنَّ
عَالـِـــي بَنْ مَزْوَارْ اِلىَ رَدْ مَا تـَـــبْـﯕـَ فـَـالـْــــــــعَنَّ عَنَّ
بَنْ خـَـطاَّرْ بَنْ عِيسىَ وَعْدْ لَـگــْــــــطَعْ يَبْرِي لَمْجـَــــنَّ
بَنْ عـَــبْدَ اللهِ بَنْ اَحْـــــمَدْ مَـدْ لِعَـــبْدْ الْوَاحـِــدْ فَكـَـــنَّ
بَنْ عــَـــبْدْ الْكَِريمْ اِلىَ عَبْدْ الســَّـــــــــــــــلاَمْ اَلليِّ مُبَنَّ
بَسْلـَــــــيْمَانْ وُ زَيْنْ السَّعْدْ بَنْ اَمْشــِـــــيـــــشْ وُلاَ وَنَّ
عـَـــنْ اَبِي بَكــْــرْ وُ مُحَمَّدْ بَنْ حَرَمْ بَنْ عــِـــــيسىَ رَنَّ
لِسـَــالَمْ بَنْ حــَـــيْدَرْ وَانْشَدْ عاَلِي وَاحْمـَــــــدْ وَاتْعَـــــنَّ
بِعَــــــبْدْ اللهِ وَافـْــــطَنُ وَلْدْ اِدِْريسْ الاَصْغـَــرْ لَدْخــَـــنَّ
اِبْنْ اِدِْريسْ الاَكـْـــــبَرْ كَـدْ بَنْ عــَــــبْدَ اللهِ كــَـــــامـَـنَّ
جَدْ الْمُـــلوٌكْ ابْطــَالْ الْمَجْدْ الْـﯕــــَــــانَ عـَـــندُ وَ اَﯕْرَنَّ
اَبْنـَـــــاءْ الْعـُـمــُــــومْ فـَـــبْلَدْ نَفـْــتَخْــــــرُ ِبيــــهَمْ حَـﯕ اَنَّ
اَوْلاَدْ الْحَــسَــــــنْ اَجَّدْ فْجَدْ السـَّــــــبْط ِ بَعْدْ الْمـُــــــثـَنَّ
وَلْ اَبِي طــَـالَبْ عَالِي رَدْ اَخْبَارْ النَّسـَــــــبْ وَاتْهَـــــنَّ

اوضخ الشاعر مجاهدى خطار في هذه القطعة نسب الشيخ سيدحمد الركيبي الى علي ابن ابي طالب وفاطمة الزهراء بنت رسول الله محمد خير البشرية عليه افضل الصلاة و ازكى التسليم .

أَطْلَعْ لَخْماَسْ

أَوْلاَدْ الرَّاگــَــــبْ ذ ُ لَشْرَافْ اَخْمَسْ تَخْمَاسْ ءُ مَعْرُوفِينْ
أُثَلْتْ أخْمَاسْ اَصْلَنْ فاَلْقاَفْ وَالْكـَافْ اَخْمَاسُ حَـگ ْ اَثْنَيْنْ

اَخْمَاسْ الْكاَفْ اَبْلاَ خـِــــــــلاَفْ اَثْنَيْنْ اَگـْبَالْ افْجَمْعْ الْكـَافْ
اَوْلاَدْ اَعـْــــمَرْ مَنْ ذ ُ لَسْلاَفْ اثْلَتْ اَعْرَاشْ ءُ مَشْيُوفِـينْ
ذوُكْ اتْهَلاَتْ اَبْلاَ نِكـــَــــــافْ وَاوْلاَدْ الشِّيخْ ءُ ذ َ بَـــيِّينْ
وَ اوْلاَدْ الْحَـگ ْ الْذوُكْ اَكـْــيَافْ طاَلَبْ ذ َخَمْسْ ارْگّيْبْ الزَّيْنْ
أغـَـلاَ ظ ْ ءُ لاَ فِــــيهَمْ لَطْرَافْ اَوْلاَدْ الرَّاگَّبْ مَـتْمـُــومِينْ

وَ الْخـَــمْسْ الثاَّنِ بَلْ السَََّاسْ اَوْلاَدْ اَعْـِل اَبْنَ حْمَدْ يَالناَّسْ ذَالْخَمْسْ الشاَّمَـلْ كَلْ اجْـناَسْ مُوجَبْ لَغـْــنَ لَلشَّكَّاِرينْ
اَعْــرَاشُ سـَــــتَ يُومْ الْبَاسْ الْهَمْ شِــــيعَ يَالسَّمَّاعِينْ
اَوْلاَدْ انْـگـُـولْ اَل ِّ تَنـْگــَــاسْ مُوسَ فاَلْحـَگ ْ الْمَشْهُوِريـنْ
وَ اسْوَاعَدْ زَادْ الْبِيـهَمْ حَاسْ اَعْدُوهَمْ يَسْوَ عَادْ اَمْـنَيْنْ
بَنِي دَاوَدْ خــَــــْيمَة ْ تَكْـدَاسْ الْعَلْمْ الزَّيْنْ ءُ لَمَّــــــــذْنِينْ
بَنِي بُورْحِــيمْ اَبْلَدْ تَرْكـَـاسْ الْفـُقـَارَ وَ الْمَنْكــُــــــوبِينْ
وَاوْلاَدْ اَمــَّـــــــلِّ مَا تَدْناَسْ عَبْدْ الْوَاحَدْ ذ ُ الْمَذْكُوِرينْ
شَايَعْ بَالْغَلْظ ْءُ ِكيفْ اَخْمَاسْ أوْلاَدْ الرَّاگَبْ مَتْمـُـــومِـينْ

وَ ثــَلْتْ اَخْمَاسْ اَصْلَنْ فاَلْحَـگ ْ هَاذ ُ فاَلْقــَافْ ءُ لاَ تَدْرَگْ
أخْمَاسْ الْقــَـــــافْ اَل ِّ تَبْلَـگ ْ خـَـمْسْ الْفَاقَرْ شَامَلْهَمْ َبيْنْ
زَادْ الْفَقـْـــــــرَ ذ ُ الْمَا يَعْلـَگ ْ ِفهَمْ عَيْبْ ءُ مَنْ بَاسْ الْعَيْنْ
يَعْمِ عـَـــنْهَمْ عـَـــيْنْ الْيَلْعـَگ ْْ مَاذ َفِــيهَمْ مَنْ ِش حَـسِينْ
ءُ مَاذ َ ِبيهَمْ مَنْ حـَدْ انـْــتـَگْ وَ اظْهَــرْ لَلناَّسْءُ عَادْ امْتِينْ

وَ الْخَمْسْ الرَّابَعْ بَلْ امْـگــَادْ اَبْرَاكْ الْجُـــودْ ءُ بَزْدِيــَـادْ
اخْيَامْ الْمَعْـــــنَ وَ الْمُفــَـــادْ اَهْلْ ابْرَاهِـــــيمْ ءُدَاوَدْعَيْنْ
الْحَـگ ْ اَثَمْنْ اَعْرَاشْ أگـْـــدَادْ فَالشِّـــيعَ وَالدَّرْجَ وَ الدِّينْ
ذوُكْ اَجَّـنْحَ هـُـــومَ وَ اوْلاَدْ سِيدْ احْمَادْ الْمَعْــــــلوُمِينْ
وَ اهْلْ اَمَّـلِّ لَحْسَــنْ وَاحْمَادْ اَمْعَ سَلاَّمْْ الْمَشْكــُـــــوِرينْ
وَ اهْلْ سِـيدِ عـَـــلاَّلْ اَجْوَادْ ِكيفْ اَهْلْ الْقاَسَمْ مَجْتّمْعِينْ
اَبْرَاهِــــيمْ ءُ ذِ خـَــــيْمَ لَلزَّادْ لَحْمَـــيْدْناَتْ اَبْلَدْ لََلـْـمَسْـكِينْ
وَاسْلاَ لَكْ مَرْتَعْ يَلْعْــــــــبَادْ لَلطَّمَّاعِــــــينْ الْمَلْــهـُوفِينْ
هَاذ َ الْخـَـــمْسْ الْكاَمَلْ مِعَادْ لَلْمـَــجـَّـادَ وَ الْمَــــدَّاحـِـينْ
رَاوْ الْمَقْصَدْ فِـــيهْ ءٌ تَتْـرَادْ فاَلدَّهْــرْ اَعْلِيهْ الطَّمَّـاعِينْ
وَ الشَّكْرْ الزَّيْنْ اَلاَّ يَنْعـَــادْ لَوْلاَدْ الرَّاگَبْ مَـتْمـُـومِـينْ

وَ الْخَمْسْ الْخاَمَسْ زَادْ انْـگوُلْ فَالْقاَفْ اَصْلُ مَدْهَكْ مَسْبُولْ
اَوْلاَدْ اَرَاعِ بَعْــــــــدْ اَحْفوُلْ بَابِّيهْ اَعْــلَ عَرْشَيْنْ اثـْـنَيْنْ
لـَـبَّيْهَاتْ ءُ عـَــيَّاشْ ابْلوُلْ زاَدْ ابْحَاشِـيــشْ الْمَنْكـُوبِينْ
مَرْتَعْ لَلِّ مَا عـَــــــنْدُ حَوْلْ وَاسْنَدْ لَضـَّعِـــيفْ الْمَـسْكِينْ
وَ اعْـــــمَايَمْ لَهْلْ التَّفَضوُلْ وَ اغْلاَظ ْ اگْبَالْ ءُ مَشْيُوفِينْ
وَالاَّ ذ َ كـِــــيفْ ءُ ذ َ مَسْبُولْ جَمْلَة ْ لَخـْـمَاسْ اَصَّ لَخْرَيْنْ
وَ الاَّ ذ َ كِيفْ افْعَرْظ ْءُ طوُلْ أوْلاَدْ الرَّاگَبْ مَـــــتـْمـُـومِـينْ

أَوْلاَدْ الرَّاگــَــــبْ ذ ُ لَشْرَافْ اَخْمَسْ تَخْمَاسْ ءُ مَعْرُوفِينْ
أُثَلْتْ أخْمَاسْ اَصْلَنْ فاَلْقاَفْ وَالْكـَافْ اَخْمَاسُ حَـگ ْ اَثْنَيْنْ

شَكَرْ أَرْگـَيْبْ

شَكَرْ اَرْگَيْبْ الشَّاعَرْ لَـگاَلْ عَـــــــــنْ ِببَانُ بَعْدْ اَنْسَدُ
اَلاَّ جَاهـَـــــــــلْهَمْ وَلاَّ مَالْ عــَـــنْهَمْ وَلاَّ لَغـْــــنَ حَدُ
مَنّ ُ لَـگْلِيلْ اَگـْـــــبَالْ اَمَّالْ اِگـــُـــــولْ اَنْهَمْ مَا يَنْحَدُ
خـَــــصَايَلـْــهَمْ وَلِّ مَا زَالْ تَـمّ ُ فـِـــيهْ اَلاَّ يَجـَّــــــــدُ
لَجْيَالْ اِخـَـــــــــلوُهَا لَجْيَالْ وَ اجَّدْ اَگـْـبَظْهَ مَنْ جَدُ
كَانْ فاَلْحَـگ ْ اَبْطــَــالْ اَگْبَالْ مَا يَبْغِ حَدْ اِعـُودْ اعْـدُ
لَوْلاَدْ الرَّاگـَــبْ ذاَكْ الْحَالْ مَا زَالُ فـِـــــــيهْ ءُ رَدُ
گاَعْ اِبَرَّدْ وَاسْغَرْ لَطـْـــفاَلْ مَدَّ دَا رَتْ بَعـْـــدْ اَتْصَدُ
عَنْ ِش بَاغِـيهْ اَسْوَ مَقاَلْ لاَهِ اِگــُـــــولُ مَا يَرْتَعْدُ
اَيْدِيهْ اِگــُـــــــولُ مَا يَذْلاَلْ وَ اخْــــبَارْ اَبَّاتُ يَنـْگَدُ
گـَاعْ اَمْعَ حَدْ ءُ بَذْلْ الْمَـالْ فَمْ الْخـَـــــــبْرَ زَادْ اَفْمَدُ
مَسْبـُــولْ ءُ لاَ دوُنُ تَرْطاَلْ مَا يَنـْـــــــداَرْ اَ يَّاكْ ِارَدُ
حَدْ الْحَدْ اَفْيَمْ اَزَگــــــَّـــالْ خَـوْفْ النََّاسْ اتْعوُ دْ اتْعَدُ
عَنّ ُ مَنْ ءُ كــَـــــانْ اَزُزَالْ وَاسْدَاسْ افْحوُلْ اَعْلَ شَدُ
وَاعْلَ عَدّ ُ وَ اخْيَارْ اَجْمَالْ يَتْمَــــــــوْنَكْ حَدْ اِلاَ هَدُ
كِيفْ اَخْلَفْ وَاشْوَايَلْ تَشَّالْ ِفيهَمْ حـِـــــــرَانْ اَلِّ گَدُ
گـَدْ الْبَعــِـــــيرْءُ لاَ هُ فاَلْ نَتْناسَ جَــدْعَـانْ انْفَرْدُ
وَ امْشَاوْ افْلَمْسَانِينْ اگْفاَلْ مَسْخِ ِبيهَمْ بَعْـــدْ ءُ بَدُ
هَاذ َ بَسِيط ْ اَلاَّ يَنـْگــَــــــالْ عــَــنْ مَدُ فَرْگَيْبْ ابْمَدُ
مَنْ دَهْرْابْعِيدْ ءُ عَـنْهَمْ جَالْ عَـــنْهَمْ فَالْحَرْبْ اِلاَ شَدُ
لَعْبَيْدِيَاتْ اَعـْـــــــلَ تَعْدَالْ اِمَلْيَانْ الْمـَــــــــــا يَنْقَدُ
مَا فِيهَمْ وَاحَــدْ گَطْ انْظَالْ بَعـْـــــدْ ابْمُلاَهْ ءُ لاَرَدُ
وَجْهُ سَاعَة ْ لَـگـْبَاحْ احْلاَلْ يَطـــْـــــــمَعْ لَعْدُ بَعْدْ اِنَدُ
مَا صَادُ ذاَكْ الْحِينْ اجْفاَلْ وَاخْلَ وَاذْرَ وَ اعْدَمْ عَدُ
وَ اشَّتَّتْ وَافْرَغْ فَازَگــَّــالْ غـَـــــــــلْيَانُ وَ الْوَيْلْ اِمَدُ
وَلِّ مَنّ ُ مَا مَاتْ اَ نْهـَـــالْ شَيْنْ السَّّعْدْ اَعْلِيهْ ءُ كَدُ
وَاوْلاَدْ الْكَافْ ءُ قاَفْ اَبْطاَلْ تَعْرَفْ ِش صَالَحْ وَ اتْبَرَّدْ اَخْلاَگ ْ الطَّمَاعْ الْتَتـْـــــــهَالْ اَعـْـــــــلِيهَ تَرْفَدْ وَ اتْرَفَّدْ
يَلِّ مَا كَنْتْ اَصْلَكْ جَوَّالْ وَلَّ خـَـــــلاَّكْ الْفَقْرْ اتْهَدْ
دَنْتْ ِبيكْ اَلِّ مَا گَطْ اغْدَالْ ِفيكْ اَلِّ غـَيْرَكْ مَا نَجْحَدْ
عَنَّكْ هَمَّكْ وَ الْفَوْگ ْ انْشَالْ وَ ايْدَكْ لـَناَّسْ الْمَا تَنْكَدْ
مَنْ حَكْ الطََّمَّاعْ ءُ لَجْيَالْ مَطْبُوبْ اَعْلَ ذاَكْ اتْفـَگـَّدْ
مَنْ كَلْ ابْلَيْدْ ءُ جَاتْ اَعْيَالْ تَسْكَنْ فَرْگَيْبْ ءُ تَسْتَبْلَدْ
مَنْهَا فَقـِـــــيرْ اِعوُدْ الْمَالْ وَاحـَـلْ فَحْسَــابُ ِو سَـنَدْْ
فِيهْ اَلِّ غَيْرُءُ يَنْسَ حَالْ كــَـانْ اَصْلُ لاَحَـگ ْ يَسَنَّدْ
ِواگوُلْ الِّ مَا گَـطْ انْـگاَلْ وَ اتْعــُــــودْ اَخْــبَارُ تَشْتَدْ
وَلِّ جاَ هَارَبْ عَــنْ ِرجَالْ يَرْتاَقْ ءُ فاَتْ اَعْلِيهْ انْهَدْ
يَفْلَشْ فَرْگَيْبْ ءُ لاَ يَذلاَلْ مَاهُ خاَيَفْ گـَاعْ اَمْنْ اَبْلَدْ
لاَهِ يَفـْــــــــدوُهْ ابِّذْلْ الْمَالْ وَ امَِل وَ الْخاَ دَمْ وَ الْعَبْدْ
وَ الْوَتَّ وَ الرَّالَة وَ اگْفاَلْ الْحَيَّ وَ الْخـَـيْمَ وَ الشَّدْ
وَ الْفـَـظَّ بَاط ْ ابْذِيكْ الْحَالْ يَلاَّهِ تَحْسَدْ گـُـومْ اَحْسَدْ
اَوْلاَدْ الرَّاگـَـــبْ سِيدَاحْمَدْ مَا گَط ُ فاَلدَّهْــــــرْ اتْخَلاَّوْ
عَنْ ِش صَالَحْ مَدْيُورْالْحَدْ ءُ لاَگَطُ فاَلْحَرْبْ اُبَـگــَّـاوْ
ماَهَمْ هُومَ مَنْ ذاَكْ الْـگَدْ ِش عَـــنُ فاَتُ بَعْدْ اَبَاوْ
يُخــَـــــلَّ ذاَكْ اَلاَّ فــَـــــنَدْ مَا گَط ُ عــَـــــادُ يُفَرْصَاوْ
اَوْلاَدْ الرَّا گَبْ بَعْـــدْ اتْجَدْ عــَــنْهَمْ لَفَاتُ اِلَيْنْ اَبْغاَوْ رَدْ أ ُســِـــــــيـگ َ لاَهِ تَرْتَدْ ِويلَ زاَدْ اَعْـلَ حَدْ اسْعَاوْ
يَنْسَ ذاَكْ الْحَدْ اِلاَ گـَــدْ ِذيكْ الْمَسْلَ سَابـَگ ْ يَسْخاَوْ
لُبِيهَا لاَ يَطـْـمَعْ يَصْـــمَدْ فوُجَهْمْ حَدْ الناَّسْ اَهْناَوْ
لاَ گدَّيْتُ وَلَّ مَا گــَـــــــدْ دَيْتُ تَهْـــنَاوْ اَلاَّ وَهَاوْ

دَبـِّـــيــــتَ
اِيبَلْ قـَــبَائِلْ سِيــدَ حْـــمَدْ نَجْعْ اَرْﮜــَيْبْ اَلِّ تَجْمَعْهَ
كَافْءُ قاَفْ اَجْمَاعَة ْمَقْصَدْ مَبْدَأ لُمـُــــورْ ءُ مَرْجَعْهَ
مَاهِ كِيفْ اِيبَلْ حَدْ اَفـْرَدْ لَسْنَة ْ تَمْجَادْ اَهْلْ اَطْمَعْهَ
بَطْمَعْهَ يَغَيْرْ اَصَّ بَعْــــدْ يَشَاعَرْ تَطــْـــــمَعْهَ دَعْهَ
عَنََّكْ كوُنْ اِلَ عَتْ اَتْـﮜَدْ ﮜَدَّامْ النَّاسْ اَتْسَــــــمَّعْهَ
مُوجَبْ شَكْرْاسْمَعْهَ مَنْ ﮜَدْ نَوْعَاتْ اَعْيَاتْ اتْنَـــوَّعْهَ
قَبَايَلْ سِيـــدَحْمَدْ مَنْ مَدْ مُلاَناَ اعْلَ شَكْرْ اَسْمَعْهَ
مَالَمَّكْ تَطــْـــــــمَعْهَ يَحَدْ اَوْخَرْ مَا كَنْتْ امْـوَدَّعْهَ
ءُلاَعَنْدَكْ عَزْمْ اَلْسَانْ اَتْرَدْ نَفْيَ فَجْيُوشْ اَتْوَقــَّــــعْهَ
بَالْغَرَاتْ ءُ تَصْهاَدْالصَّهْدْ وَ اعْزَ لَنْفاَسْ الْتَـوْجَعْهَ
ءُلاَنَكْ شـَـاِريهَ وَ اتْفـَﮜَّدْ اَنَّكْ مَا تـَﮜْدَرْ تَـﮜــْـــلَـعْهَ
خَلِّيهَ فاَلصَّــــــــحْرَ تَرْتَدْ بَسْمَعْهَ تَرْتَعْ مَرْتَـــــــعْهَ
مَعْطَاهَ زَيْنْ ءُ شَاعْ ءُبَدْ سَمْعُ وَ ارْتَدْ افـْـــــِبقَعْهَ
سَمْعُ مَا يَـﮜـْدَرْ حَدْ اِعَدْ ﮜَدُ مَنْ رَدْ اَمَّاجـَـــــــعْهَ
فَالْمَعْط َ لَسْمَعْ شَكْرْالْمَجْدْ اَلِّ لَشْعَارْ اِسـَــــــــــلَّعْهَ
حَــــــــدْ ِارُوزْ اَنِّ لاَهِ اَرَدْ رَدُ فَمْرَدَ يَبـــْــــــــــدَعْهَ
رَدُ ﮜاَعْ ِابَطـــِّــــــيهْ الرَّدْ ذِيكْ اِيبَلْ شَرْفَ تَـﮜْطَعْهَ
فَالسَّتْرَ كَانْ الْعَــامْ اَشْتَدْ وَ اتْوَدِ حَقوُقْ اَنْفـَـــعْهَ
مَنْ شَِر الْعَرْضْ ءُ فَرْدْ الْفَرْدَ لَعْلَ فَمْرْ اَزْكَاتْ اَشْرَعْهَ
وَ اتْصَـــــدَّگ ْ مَنْهَ وَ اتْلَوَّدْ ِبيهَ لَلْغَلْظ ْ ءُ تَدْفَعْـــــهَ
فَبْلَدْ بَاسْ اَعْــدوُه َ وَ اَبْمَدْ عَرْضْ اَمْدَافَعْهَ تَدْفـَـــــعْهَ
هَحْ اَصَّ ِو اسَـــــوَّلْنِ حَدْ عَنْ لَخْبَارْ اِيجِ يَسـْــمَعْهَ
غَيْرْ اَصَّ گاَعْ اشْيَـگْلَعْ رَدْ اَبْلاَ سَوْلاَنْ افـْـــــــمَرْجَعْهَ
ذِيكْ الْبَلْ ذاَكْ اَلِّ تَرْفـَـــــدْ مَنْ مَعْرُوفْ اِزيدْ اَسْمَعْهَ
مَنْ مَعْطاَهَ لَشْعَارْ الشــَّـــدْ اَلِّ تَشَّايَرْ تَجْمَــــــــــــعْهَ
وَ امْنْ اَرْفوُدْ الْبَاگِ وَامْشَدْ لوُلِيَاتْ اَبٍْــِشِ يَنْفـَـــــعْهَ
زَيْنْ اَمْنَيْنْ اَخــْــــبَارُ تَرْتَدْ فاَسْمَعْهَ وَ اسْوَ تَسْمَعْهَ
كَلْ اِبَلْ فاَلصَّحـْـــــــرَ تَرْتَدْ وَ الْمَعْرُوفْ اَلِّ اِشَيَّعْـهَ
مَا گَلْتْ اَنْ اِبَلْ حـَدْ اتـْگَدْ تَحْمَلْ حـَـمْلُ مَا ضَيَّعْـهَ
شَنْعَدْ اِلاَ لَتْهَيْتْ اَنْعــَـــــــدْ فَلِّ نَجْمَعْ مَــنْ گِطـَـــعْهَ
كَلْ اَسْنَنْ وَ اتْهَيْدِينْ الْمَجْدْ َالِّ كَلْ اَسْــنَنْ نَجْـــمَعْهَ
فَامْسَاِنينْ اسْمَعْ شَكْرْ الْمَجْدْ اَلِّ لَشْـعَــارْ اِسَـــــــلَّعْهَ
اَنْعـَــــــــــدْ اَجْــمَلْهَ لَنْـــبَنَّدْ اَنْعَدْ اَرَجْـــــهَ وَ اجْدَعْهَ
وَ ابْسَــــطْهَ لَحْلاَلْ اَمْ اوُلَدْ مَا فــَــــــاتْ اَنْزَزْ اِتَبَّعْهَ
خَلْفَ فـــَـــاتْ اَعْـِليهَ نَعْـگَدْ مَا يَـگْدَرْ شاَعَرْ يَطْمَعْهَ
جَدْعَ حَـگَ َّ عـَــــــــشْـرَ تَرْفَدْ سَلِيمَ مَنْ ِشِ يَوْجَــــعْهَ
لَـگْرَنَاتْ الزَّيْنـِـــــينْ الْـگـَرْدْ ذَاكْ اِلاَ لَتْهَيْتْ انْجَزَّعْهَ
عَدُ گاَِس فَزْمَامْ الْعــَــــــــدْ فِيبَلْ شَرْفَ مَا تَوْضَعْهَ
مَوْضَعْ شَيْنْ ءُ لاَ ِفـيهَ حَدْ يَوْضَعْهَ كوُنْ افْـمَوْضَعْهَ
بَنْحَايَرْ وَاگـْـطاََيَفْ تَمْــــــتَدْ فَخْيَامْ اَكْبَارْ اتْوَسَّعْـــــهَ
لَلْعَرْظ َ لَلْعَارْ اَعـْـــــــــلَ گـَدْ كَبْرْ اَطْبَالِيهَ وَ ا گْصَـعْهَ
أَوْلاَدْ الرَّاگَبْ سِيــــدَ احْـمَـدْ شَرْفَ فاَتْ اللهْ اَرْفــَعْهَ
وَارْفَعْ شاَنْ اسْمَعْهَ مَنْ گـَدْ حَرَمْ شَرَفـْـهَ وَ امْـــنَعْهَ
مَنْ ِشِِِِ شَيْنْ اوُرَ ذاَكْ اِگَدْ يَرْتَدْ ابْنَقــْـــــصُ يَطْلَعْهَ
وَ ارْفَعْهَ بَالْقــُــــوَ وَ الزَّنْدْ اَمْنَيْنْ اِفوُتْ اِلَيَـــــــــعْهَ
حَدْ اَفْبَلْ الْغـَــــيْرَ وَ الْحَسْدْ حَدْ ابْزَنْدُ مَا يَخْـــــــــلَعْهَ
ءُ لاَ گَط ْ اخْلـَعْهَ حـَــدْ اَبْمَـدْ مَدْفَعْ وَ امْتاَنْ اَمْدَافـَــعْهَ
وَامْنَيْنْ اَعْلَ مَعـْــرُوفْ اتْصَدْ فوُجَهْ مَجَّادْ اِسَــــــــــمَّعْهَ
گَوْلْ الشـَّـــكْرْ الزَّيْنْ اًعْلً گًدْ عَطِيَة ْ گِطَعْ تَـگــْــطـَـــــــعْهَ
يَعْرَفْ عَنْهَ شَرْفَ مَنْ عَنْدْ مَعْط َ ِشِ وَ اكْبِيرْ اَسْمَعْهَ
ءُ ِكيفْ الشـَّـــرْفَ زَادْ اِلَ رَدْ حَدْ التَّخْمَامْ اَفــْــــمَرْجَعْهَ
بَالْفَعْلْ اَلَّ اِجَدْ اَعْـــــلَ حَدْ نَبْعَتْ شَرْفْهَ فَانـْــــــــــبَعْهَ
مَنْ جَدْ اَلْجَدْ اَلْجَــــدْ اَلْجَدْ اَنْعَدْ اَفْعَدِ لَنْبَعـْـــــــــــــــهَ
مَنْبَعْ بَيْتْ آِل مُحَـــــــــــمَّدْ شَاعَرْ لَ رَازْ ِالَيَّـــــــــعْهَ
جَاهَ يَعْرَفْ عَنُ جَ بَعْـــــدْ لَجْوَادْ اَكْبَارْ اَبْـــــــمَوْلَعْهَ
لَلشَّكْرْ ءُ فـِــــــيهَ زَادْ اَبْلَدْ گَوْلُ وَ الْغــَـــايَ تَرْگـَعْهَ
كَوْنُ شاَعَـرْ جَايْ اَمْنْ اَبْلَدْ جَالَبْ صـِـــــــناَعَ يَصْنَعْهَ
يَفْرَحْ ِو امَجـَّـــــدْ ِو افَرَّدْ وَ اجْمِيعَتْ طَمْعَ يَطْمَعْهَ
بَمَلِي وَ الْخَادَمْ وَ الْعَــــــبْدْ وَاخْلاَگ ُ زاَدْ اِتَســـَّـــــــعْهَ
فـَگْطَايَفْ وَاتْســَــاِريحْ اتْمَدْ عــَـــــيْنُ مَسَّاِوي مَرْتَعْهَ
افْرَاشُ مَنـْــــشوُرْ ءً يـَگـْعَدْ مَطَّرَّحْ فَاجْمُوعْ اَجْـــمَعْهَ
مُلاَنَ لَلدَّرْجَ وَ امـْـــــــرَدْ لَمْظَالَمْ بَاگْطِيعْ اشـْـــرَعْهَ
تـَگــْـــلَعْهَ بَالسَّـرْفَ وَ الْيَدْ لَمْتـِـــينْ اَلِّ زَادْاَطــْـــــبَعْهَ
مُولْ الْمَلْكْ اَعْلِيهْ وَلاّ گَدْ سَلْطاَنْ اَسْلِيط ْ اِگـَـــــــمَّعْهَ
تـَگْلَعْهَ طــَــوْعاً بَاط ْ الشَّدْ لَشـْـــــرَارْ اَلِّ مَا يَمْـــنَعْهَ
مَنْهَا الزَّنـْدْ لَمْتِينْ وُلاَ عَنْدْ حَدْ ســَــــنْدْ اَلِْش اِطَوَّعْهَ
تـَگـْــــلَعْهَ كُونْ اَفْشِ يَمْتَدْ وَ الدَّرْجَ تَعْــــرَفْ تـَگْلَعْهَ
مَاهُُ بَالطَّيْشْ ءُ لاَ بَالْهَـدْ سَابَـگ ْ تَطـْلَبْ بَعْدْ اَشْرَعْهَ
مَنْ حَدْ اَبْطَيْشُ يَتْهـَــــدَدْ مَا فاَتْ افـْگــَـــعْهْ يَسْمَعْهَ
هِيَ رَاهِ مُحَالْ اتْهَــــــــدْ يَكُونْ اَعْـــــلَ حَدْ افـْگـَعْهَ
وَلَّ لَيَّعْهَ مَسْتَعْـــــــــــــمَدْ وَ امــْــــــنَيْنْ اِرُوزْ اِلَيَّعْهَ
حَدْ اِشَوْفْ اَعْــــــلَ كَمْ اَرْفَدْ يَرْفَدْ مَــــنْ تَزْلاَعْ اَزْلَعْهَ
دَقَّ مَوْســَـــــمْهَ مَا يَبْرَدْ وَ الْقُوَ مَنُ تَنْزَعـْـــــــــهَ
تَرْكَبْ بَتْوَاگِينْ اَتْبَـــــــــرَّدْ لَخْــــلاَگ ْ ءُ لَعْدُ تـَگــْـــطَعْهَ
بَالْمَاظِ مَنْ سَلْطَانْ اَلْهَــنْدْ وَ اسْلاَيَـگ ْ لَبْلَ تْجَـــــمَعْهَ
فَوْگ ْاِمَــــلْيَانْ اَطْوَالْ اتـْگَدْ فَالْحَـگ ْ الدّوُلْ اتْفَرْگـَــــعْهَ
مَا تَمْـنَعْ منْهَ فاَظْهَرْ حَدْ ءُ ِهيَ گـَــاِس ِشِ يَمْنَعْهَ
مَنْ تَكْــتَلْ لَنْفاَسْ ءُ تَرْفَدْ مَدَّ وَ اتـَّم اتــْـضـَـعْـضَـعْهَ
مَنْ عـَــــنْدْ اَبْلَدْ لَبْلَدْ لَبْلَدْ فَالْوَيْلْ اِلـَــــــيْنْ اَتـْگَرْگـَعْهَ
اِيجِِ فـَگْرَاشْ اَلْمَجـَّــــــــنَّدْ وَحْدُ مـَـــــنْ مِيَ يـَگْلَعْهَ
وَاوْلاَدْ الرَّاگَبْ سِيدَاحـْـمَدْ اَزْمـِــــينَ جَاتْ الْمَوْضَعْهَ
عَنْ مَوْضَعْهَ مُحَالْ اتْصـَـــدْ مَوْضـَـــعْهَ سَابـَگ ْتَوْضَعْهَ
فَوْگ ْ اَحْرَايَرْ زَيْنـَاتْ اعْـگَدْ كَتَايَبْ خـَــــــــيْلْ اتْنَشَّعْهَ
خَلْـگـَتْ فَالْحُرُوبْ اَتْـكـَــــدَدْ لَحْدِيدْ اَبْرَعْــــــبْ اِرَوَّعْهَ
وَ اصْوَالَحْ مَنْ دَوَامْ الْمَدْ وَ ازْوَاِر مَنْ حَكْ انْسَعْهَ
يُومْ اَمْـنَيْنْ اتْطِيحْ ءُ تَجْبَدْ فاَعْـگاَبْ أسِيـگ َ تَمْـــــنَعْهَ
وَامْنَيْنْ اَعـْـــِليهَ حـَـدْ ِاصَدْ فَجْــــــعَة ْ حـَــِديثَ تَمْنَعْهَ
بَالْعَجْلَ وَ اتْطَيَّحْ وَ اتْصَيَّدْ تَحْتْ الرِّيَاسْ الْتَدْفــَــــعْهَ
فَاخْناَفَرْ لَعـْـــــدُ وَ اتْصَيَدْ مَنْهَ وَ اتْجِيبْ اگـْــلاَيَعْهَ
صَوْلَتْهَ مَا تـَگـــْـــدَرْ تَرْتَدْ نَكْــــــِر وَلْ آدَمْ يَدْرَعْهَ
بَطْمَعْهَ وَ الْحَـــرْبْ اَمْجَرَّدْ وَ امْـــنَيْنْ اِفوُتْ اِسَمَّعْهَ
صَكَّتْ حَسْ الْوَنْدِ مَا صَدْ مَصْدُوعْ اِصَدْ اَبْمَصْدَعْهَ
وَ احْـگَرْ بَلْ اَمْــنَيْنْ اَتْحَدَدْ لاَهِ يـَگــْطَعْ مَزْ اَشْرَعْهَ
نَجْعْ اَرْگَيْبْ اَلاَفــَاتْ اَگـْعَدْ حَرْبُ وَازْمـِــــــينَ يَمْنَعْهَ
صَوْلَتْهَ مَا عَنْدِ عَنْ عَنْدْ حَدْ اَمـْـــــطاَلِيعْ الْتَطْلَعْهَ
وَ التَّخْــــمَامْ اَلِّ يَطْلَعْ حَدْ ِبيهْ اَعْـــلَ ِجيهَةْ مَطْلَعْهَ
ثَمْرَة ْ تَخْــــــــمَامُ مَا تَرْتَدْ وَاهْــــــــلُ زَادْ اِلاَ طَلَّعْهَ

مَا تَهْنَ وَاسْوَ گــَــاعْ اَگْبَيْلْ تَهْنَ كِيفـَـــــــــتْ وَسَّاتْ اَهْناَتْ
عَرْفَتْ عَنْ ذ َحَـــاِم وَ اثـْگِيلْ وَانْ النـَّــــــــــاسْ اَلِّ زَادْ اعْيَاتْ
تَتْخَمُ دَ مــَّــــــــــرْهَ بَكْـتِيلْ لَنْفاَسْءُ بَالْغـــَـــــــارَاتْ اَمْشاَتْ
اشْعَاثَ مَنْ زَيْ الْبَرْمِــيلْ مَدَّتْ ِبيـــــهْ الـــرَّگـْــبَ مَضَاتْ
حَالَتْ بَاط ْالشـَّـرَفْ لَصِـــيلْ اَلِّ فَاگـْـــبـَـــــايَلْ مَعـْــــــلوُماَتْ
ِريَاسْ ءُ مَارَتْ گاَعْ اَدْلِــيلْ الشـِّـرَفْ فَعْــلْ الشــَّـــرَفْ ذاَتْ
الشَّرَفْ تَخْمَامْ اَتْرَوْجـِــيلْ الشـَّـــرَفْ رَجـْــــــلَتْ غـَــزْوَاتْ
اَلشَّرَفْ طَرَبْ وَاتْنــَهْـــِويلْ الشــَّـــرَفْ تَرْهـِـــــيبْ وُ زَنْفاَتْ
الشَّرَفْ مَعْط َ مَالْ ابـْـــِذيلْ الشََّرَفْ مَعـْـــــــــطَ عَطِــــــيَاتْ
الشَّرَفْ ذَِل گَلْتْ اَگـْـــــبَيْلْ گاَعْ اَعـْــلِيهَمْ مَنْ مُــــــوَاسَاتْ
اِوَاسُوهُمْ فَاسْمَعْ جـَــمِيـلْ مَخَلاَّهَــــــــــــــمْ هـــُــومَ وُلاَّتْ
الْغَلْظْ ءُ حَالَة ْ ذِيكْ الْحِـيـلْ هوُمَ هـُـــــــومَ زَادْ اَرْگــَــيْبَاتْ
اَلِّ نَوْبَة ْ تَدْ فـــَــــارْ اللـِّيلْ اتْطَـرََّ گـــْـــــــــــهَمْ بَالْعـَـــطِيَاتْ
انْهـَــــرَاتْ الشَّـدَّ وَ الْوَيْلْ انْهَرَاتْ اَعــْـــــــيَادْ انـْــهـَارَاتْ
وَعْدَتْهَــمْ بَالْبَرْكْ ءُ لَمْـگِيلْ وَاصْرَبْ لَشْــــــعَارْءُ حِكـــَـايَاتْ
اتْهَيدِينْ ءُ تَبْرَامْ الْجــِـــيلْ وَالدَّهْكْ ءُ حَصْرَاتْ الْحَصْــــرَاتْ
هُومَ گــَــــاعْ اَلِّ زَادْ گـْـــبَيْلْ اَعْمَايَمْ وَاشـْــــــيَاخْ ءُ سـَــــدّاتْ
وَاعْرَبْ فوُجَهْ بَارُودْ اتْشِـيلْ اَمَّاتْ اَشـْـــــيَاخْ ءُ بَشـَــــوَاتْ
هَاذ َ مَا عــَـــيْنُ فاَلثـّـُــبُوتْ ثاَبَتْ گــَــاعْ اَلاَّ مَنْ تَفْتاَتْ
عََطِياَتْ الْـگِرَاطْ افـْـــــتوُتْ بَالْغــَـــــــلْظ ْ اَلِِِّ مَاهُ تَفْتاَتْ
عَمْلُ لَسْــمَعْهَمْ خَوْفْ اِمُوتْ شَكْرُ مَــــــنْ نَـگْرْ الْعَطِيَاتْ
بَعْــــمَالْ اَنْ الْـگِرَاط ْ اَِفـُوتْ ءُيَبْـگ َشَكْرْ اَسْمَعْهَمْ مَا مَاتْ

الْـﯖــَــــــتْ

مَاهْ اعْـــــــلَ عَارْءُلاَهْ اَبَّاسْ يَيْبَلْ لَبْلوُلْءُ لَبْــــــــلوُحَ
اِيبَلْ نَجْعْ ارْگــَـيْبْ الرِّيَاسْ لَعْدُ فِيكْ اَعْرَبْ وَشْلوُحَ
زَعْفوُكْ ءُ حَـگْرُ حَرْبْ الْفاَسْ لَحْـگوُكْ اَكْسِيبَ مَـمْدوُحَ
مَانِكْ مَفـْـــظوُحَ بَاالتَّمْسَاسْ فَرْجَلْ مُجِْريحَ مَجْــرُوحَ
گَسْتِ ِتيرَسْ عَادَتْ تَنـْگاَسْ وَابـْگاَتْ بْلوُلَ وَ اَفْتوُحَ
لَلناَّسْ اعْلَ غَلْظ ْ ءُ تَهْوَاسْ لَلْوَقْرْ ءُ فَتْحَ مَفـْــــتوُحَ
وَدْلَحْتِ لَعْـــــــدُ عَنْ ِقياَسْ الْغَلْظ ْ ءُ تَمَّتْ مـَــــدْلوُحَ
بِيكْ اَلِّ نَعْـــــــــطَيْتِ لَلناَّسْ رُوصْ ءُ نَعْطَيْتِ مَمْنوُحَ
گـَـسْتْ تَـگـَـــنْزَ وَقـَــوْرَاسْ عَتِّ ِتيمَسَّقْتْ افـْـــــرُوحَ
لَوْلـَدَادَمْ وَابْلــُـــــــولْ ِابَاسْ مَاهْ اَعْلَ كَلْحَ مَكــْـــلوُحَ
فوُجـَـه ْ حَدْ اَلاَ بَالــــتَّمْلاَسْ ءُْ مَنْ كَلْ اخْصَارَ مَصْلوُحَ
ظَرْكْ اَمْــنَيْنْ اَمْشَيْتِ لَبَاسْ فَحْتِ مَنْ لَمْعـَـــاطَ فَوْحَ
زَيْنَ وَ ادْ فـَـرْتِ كَلْ اَمْقاَسْ يَعْطَبْ وَاغـْـــلـَگْتِ لَفْلوُحَ
مَشْيَكْ ذ َ مَا فِـيهْ اسْمَعْ مَاسْ وَامْتَنْ مَنْ ذ َ گاَعْ اجْرُوحَ
فاَلشَّعَّارْ ءُ ضـِــعاَفْ الناَّسْ وَ امْتَنْ تَكْسِيحَ مَكْسُوحَ
ذاَكْ اَل ِّ مَنَّكْ سَـــوْحَلْ گاَسْ السَّاحَلْ رَجْلُ مَــــمْسُوحَ
بَحْرَاشْ الزَّنْفاَتْ ءُ لَمْلاَسْ رَجْلَكْ رَجْلْ ِابَلْ مَمْدوُحَ
مَسْرُوحَ مَنْ غاَرَاتْ الْبَاسْ وَامْنْ النَّوَاقِصْ مَسْرُوحَ
ذاَكْ الْمَنَّكْ زَادْ انـْــفَدْ ناَسْ وَ اناَجِـيمْ الْهَيْهْ اتْحَوْحَ
مَا الْفَشْ اتْدَحََّسْ تـَــدْحَاسْ الْغَلْظ ْ اَعْلَ ذِ الْبَـــحْبُوحَ
وَاتْكَشَّحْ مُدَوَّسْ تــَــــدْوَاسْ بَحْجَبْ تَتْرَجْرَجْ مَشْبُوحَ
وَ امْقاَدِيرْ اسْلوُگِـيَ تَتْهـَـاسْ وَزْيَنْ مَنْ طـَـيْحَ مَطْيوُحَ
ءُ ذاَكْ الْمَنِكْ هَوْنْ اگـْعَدْعـَاسْ لَعْدُ مَنْ بَاسُ مَـــرْموُحَ
اَمْسَيَّسْ مَنْ بَلْ التَّسْــــيَاسْ لَلْغـَـــلْظ ْ ءُ رَاحَ مَرْبُوحَ
ماَ فِيهَ مَنْ ِش شَيْنْ ادْناَسْ رَجْلَكْ رَجْلْ اِبَلْ مَنْصوُحَ
دَفَّرْتِ هَوْنْ اَمْظ َ لَمـَّــــــاسْ گذ َّ جَـــــــــرْمِيَ مَزْدوُحَ
مَنْحوُرَ تُمَقَّسْ تَمـْــــــــقَاسْ مـُقــَــــبَــالَةْ شَ مَذْبُوحَ
وَارْفَدْتِ مَنْ رُوصْ اَنـَــــوَاسْ عِـــــيَالْ الناَّسْ الْمَقْدوُحَ
مُجَمَّرْ مَنْ تَحْمَاسْ اشـْمَاسْ لَخـْــــلَ مَا عَنْدُ مَمْدُوحَ
يَاسَرْءُ عَطــــــــــَّـيْتِ لَلـناَّسْ روُصْ ء ُطَبَّتْ فِيكْ اللَّوْحَ
يَيْـبَلْ نَجْعْ اتْعَاِب لَعــْــــكَاسْ مَانَكْ بَالتَّرْشاَفْ اصْيُوحَ
لَلناَّسْ ءُلاَنَكْ رَگْبَة ْ كــَـــاسْ زاَدْ ءُلاَ نـَگـْـــعَ مَكْفوُحَ
يَعْمِ عَنَكْ عَيْنِينْ النــَّــــــاسْ مَاهِ مُقْدِيحَ مَقـْــــــــدوُحَ
مَرَّ وَ امْنَسَ بَالتَّنـْـــــــسَاسْ وَ اتْطَيَبْ كـَمْ مَنْ رَحْرُوحَ
تَوْالْخَيْلْ اَعْلَ النَّاسْ ارْخــَـاسْ مَنْفـُوعْ ءُ رَبْحَ مَرْبُوحَ
وَامْنَيْنْ اِرَعَّدْ رَهْجْ اَحْسـَـــاسْ الْبَارُودْ اتْجِ مَكْشــُــــوحَ
تَحْصَرْ فُجوُهْ الْبَاسْ اَرْكاَسْ اَصْلْ مَا تَمْشِ مَفْـظـُوحَ
مَا تَمْشِ يَكوُنْ افْتَفـْگـــَـاسْ لَفْراَيَسْ تَبْـگ َ مَسْنــُـــوحَ
تَبْلَغْ لَمْطاَرَگ ْ حَمْرْ انْحَــاسْ ءُ لاَ تَنْـگاَسْ افـْذِيك ْالرَّوْحَ
تَغَلَ وَ امْنَيْنْ اَلاَّ تَنْـگــَــاسْ تَعْـگَبْ مَا تـُورَ مَطـْرُوحَ

لَعـْــــــِريظـَة

آنَ كَاِن گَلْتْ التَّمْـــــــجَادْ لَكْــــــــِبيرْ اَلِّ مَاهُ تَسْيَافْ
گَلْتُ زَيْنْ ءُ وَازَنْ مَتْـگـَــادْ اَعْــــلَ هَاذ ُ الشَّرْفَ لَشْرَافْ
مَاِن مَسَّلـَّــــطْ ِبيهْ ءُ گاَدْ انْـگوُلُ گـَــافْ افـْگاَفْ افـْگاَفْ
اَفْطَلْعِِِ وَ اتْهَـــــيْدِينِِ رَادْ قَصْدْ الشَّكْرْاَعْلَ ارْگَيْبْ الْكَافْ
رَبَّاحِينْ اَمْــــدَاحْ التَّجْوَادْ اَرْفَعْ لَـگْبَـايَلْ حَسْبْ اَشْرَافْ
سَـگَّامِينْ اَمْدَاهَـــجْ لَمْهاَدْ بُمـُــــــورْ اَلاَنْفَ وَ التَّأنَافْ
عَطاَّيِينْ اَجْمـَـــالْ التَّفْرَادْ وَالْمَـلْفْ ءُ لَحِْريرْءُ لَنْصَافْ
مِعَادْ اَلْعَـــــــزِْر وَ اللَّوَادْ لَثْنََيْنْ ءُ ِش مَا گـَـطْ انْشَافْ
وَصْفُ مَنْ ِشِ زَيْنْءُ ِمعَادْ لَـطاَّمَعْ فَاتْنُوبْ التَّخْــــناَفْ
گـَـوَّادِينْ ابْرَسـْـــمْ الشِّدَادْ لَـگْبَايَلْ مَنْ خَوْفْ الْخِــلاَفْ
وَگاَّفِينْ افْقـَــــــصْدْ الْمِرَادْ لَكْبَارْ ءُهَمْ الْهَـــــــمْ الْكَافْ
ِمعَادْ اَبْرَاكْ اهْلْ التَّمْـــجَادْ اَلِّ تَمْـِش وَ اتْـِج تَصــَّــافِ
هُومَ نَجْعْ اَفاَضَلْ وَاعْنَادْ وَاحْمَارْاعْلَ مَرْجَعْ يَنْضَــافْ
لَلشَّكْرْءُ مَرْجَعْ شَوْرُ صَـــادْ اِيجُ ِبيهْ اَبْلَفْعَالْ اَكـْـــــيَافْ
زَعْمَ وَاغـْلاَ ظ ْاَهْجَانْ اَهْناَدْ طَبْعْ الْوَاحَدْ مَاهُ سَخْفـَـافْ
بَالنَّاسْءُ هَــــنْدْ اَعْلَ لَـگـْعَادْ اِگوُمْ ءُيَـگــْــــعَدْ مَاهْ خَافْ
هوُمَ ذ َنـَـجْعْ اَلْكَافْ اَسْيَادْ مَا فِيهـَــمْ ِشِ لاَهِ يَنْشاَفْ
مَنْ حَدْ اَعـْـــلَ حَدْ اِلَ عَادْ حَدْ اِگـــُـولْ اَلْحَدْ الْيَنْشَافْ
مَاهَمْ طَلاَّعِـــــــينْ اَللَّمْحاَدْ لَسَلْكُ مـَــــنْ هَاتَفْ هَتاَّفْ
يَسْتَزْعـَــــمْ مَرْجَعْ مَاهُ گاَدْ عَارَفْ عـَـــن ُرَغْمْ التـُّگاَفْ
گـَـاَِس وَابْـلـَگْسَ مَا يَنْهَادْ سَيْــفُ يَغْلَبْ كَيْدْ السَّيَّافْ
رَاغوُهْ الْحَــــقاَّدْ الْحَسَّادْ فـَاتُ غَيْرْاُوَگَفْ عَنْ تـَگـْلاَفْ
لَخْلَ وَ اتْذَرْذِيرْ الْعَـــمَّادْ وَابْـگــَــــــاوْ فَالْمَهاَمَ ِتفاَفْ
اَلْطَوْعْ الْقَبَايَلْ تَجْـــوَادْ الْغــَــــــــلْظ ْ اَلِّ مَاهُ تَهْوَافْ
عَفاَّسِينْ الْكوُرْ الشـَّـلْوَادْ بَالْـوَنْدِ تَوْ اَشـِْبيحْ اغْلاَفْ
الْـگَلْبْ ءُ تَدْكاَمْ التَّحْـدَادْ خَوَّاِفين ْاَلْمَا كاَنْ اِخـــَــافْ
يَعْــِم عَنْهَمْ عَيْنْ الْمَحْسَادْ طَلْـگ ُ فَالْبِلاَدْ اَ زَفــْــــــــزاَفْ
مَدْفَعْ طَالَعْ مُسَكـَّــــنْ مَادْ هُوَ هُوَ حَيْط ْ الضـِّــــــــعَافْ
ءُ هُوَ ضَعَّــــافْ اَگْـسَ لَزْناَدْ اَلِّ مَا كَانُ زَادْ اَضــْــــعَافْ
فِيهْ اَمْدَافـَعْ وَحْدَيْنْ اَعْدَادْ فَمْ السَّمْ اَمْسَمْ ءُ خـَــــوَّافْ
لَعَتْ اَمْـــــــــــعَ فَمّ ُ مَتْـگاَدْ ذاَكْ الْمَدْفَعْ هُوَ خَفــَّـــــــــافْ
اَگْلُوبْ الزَّعـْــــمَ مَنْ لَقْيَادْ ءُ مَالْ الدَّمْ اَمْعَ كَلْ اصْنَافْ
مَدْفَعْ مَا يَحـْــــتاَجْ التَّسْدَادْ بَاسُ فاَتْ اُعَمَّلْ وَ انْـــشَافْ
زَادْ ءُفاَتْ اگـْـبَلْ ذاَكْ اَصْطاَدْ وَ اصْطاَدْ ابْلَمْـــــــــيَ وَ ابْلَلاَفْ
رَعْبُ رَعْــــــبْ اَمْحَاِل صَيَّادْ سَمُ يَطَّايَرْ فَوْگ ْ اَطــْـــــــــــرَافْ
لَرْضْ ءُ مُــــــــفاَدُ بَالْمُفاَدْ مَا ِفيهْ الْكَذْْبْ ءُ لاَ خِــــــلاَفْ
ذوُكْ اَرْگَيْبْ السـَّــاحَلْ لَجْوَاد ْلَغْلاَظ ْاَرْگَيْبْ الْكــَــــافْ اَخْلاَفْ
حَدْ اَمْعَاهَمْ لاَهِ يَتـْگـــَـــــــادْ ذاَكْ الصَّ عَادْ اَلاَّ يَنـْـــــشاَفْ
ءُ ذوُكْ اَلِّ طـــَـــاحُ موُرَ وَادْ اگْرَاگَرْهَرْدُ جَنْدْ اَعـْــــــــــطاَفْ
حَوْضْ الْحَوْضْ اُزَيْنْ التـِّلاَدْ ءُجَابُ ذاَكْ اَمْــنْ اَجْمَالْ اَجْحَافْ
الْحَرْجَ وَ اجْمَالْ التـَّگــْـــــيَادْ الزَّيْنـِـينْ ءُ هَــــــجْمَ تَـنْــشــَافْ
حَرَّ زَيْنَ وَ افْحَلْ يَنـْگـــَــــادْ ءُذوُكْ اَلِّ طاَحُ شــَـــوْرْ اَجْرَافْ
سَهْـــــوَة ْرَاصْ الْمَ وَازَوَادْ مَنْهوُمَ ذوُكْ اَرْگــَــــــيْبْ الْكاَفْ
ءُ ذوُكْ اَلِّ گـَـــطْعُ رَيْظَةْ وَادْ الْخَرّوُبْ ءُ يَتِّ وَ امْـــــــحــَافْ
اَلْكاَغـَــــــــط ْهُومَ زَادْ ءُ زاَدْ ناَسْ ءُ لَوْطاَنْ ابْكـَـلْ اَصـْـناَفْ
ِواگِيدِ وَاَرَكْــــــــشاَشْ ءُ وَادْ الْحَاذ ْءُ خَطْ اَمْ اِيشـِــــــــيـَّـافْ
ذوُكْ اَدْيَارْ اَحْلَلْ نَجْــعْ اَوْلاَدْ اَلْمـُــلاَتْ ءُ ذاَكْ الْخـِـــــلاَ فْ
ذوُكْ اَلِّ گــَـــــــطْعُوهْ ابْلَعْناَدْ مَنــْــهوُمَ ذوُكْ اَرْگَيْبْ اَلْكـَـــافْ
ذوُكْ اَلِّ ســَــــــكْنُ تَلْ اَوْلاَدْ اَجْرَيـْـــرْ ءُ جَكاّنْ اَفــْــلَسْـلاَ فْ
قَصْدُ بَالْمَشْكـِــــــــيط ْالْـگَنَّادْ فاَعـْـــمَارَةْ لَمْدَنْ وَ اهَــــــيَّافْ
الشــَّـــــــــرْ ءُ تَمْ اَلاَّ يَنْزَادْ خَسْــــرَتْ فِـــيهْ اَگْرَايَة ْلَقْفاَفْ
وَ اخْسَرْ فِيهْ اَشَوْدْ الشَّــوَّادْ مَرْگَبْ وَاخْسَرْصَرْفْ الصَّرَّافْ
وَ اعْـگَبْ خَافْ ءُ سَلَّمْ وَانْقاّدْ مَنْهـُــــــومَ ذوُكْ اَرْگَيْبْ اَلْكاَفْ
ذوُكْ اَلِّ سَوْبَاوْ اِگـــَـــــــــلاَّدْ بَالْغــَـــــزْيَانْ ءُ نَتْفُ تِلاَفْ
جَدْرْ اِلِيفَتْهَمْ بَالتــَّـــــــحْصَادْ ءُ عَادُ هـُومَ رَاصْ التَّضْعَافْ
اعْلِيهَمْ وَ امْرُوگ ْ الْبــِــــــلاَدْ لَيْنْ الْعــَــادُ مَطْرُوحَ اسْكَافْ
فَالشَّرٍْ ءُ زَگــْـــــــلُ كَلْ احْدَادْ مَنْهـُـــــومَ ذوُكْ اَرْگَيْبْ الْكاَفْ
عـَـــــــــــــمْلُ هَاذ َكاَمَلْ مِعَادْ فَطْبَاگْ الْغـَـــــــزْيَانْ ءُ تَهْوَافْ
رَوْحَاتْ الْغــَـــــارَاتْءُ تَجْوَادْ مَوْسَمْ سـَـيْفْ اَذْبـِيحَة ْتَشْظاَفْ
اَلِّ گاَعْ اسْتَصْـــــــحَبْ لَـگـْعَادْ وَاسْتَصْـحَبْ لَجْبَالْ ءُ لَجْرَافْ
وَ اعْمَ وَازْحَفْ فَالتـَّــلْ ءُ عَادْ وَصـْـــفْ اَعْمَ يَنْعَتْ لَلزَّحَافْ
وَلِّ زَادْ اَمـْــــــــــــشَ مَاهُ رَادْ عـَــــيْنُ شَافْ اَخْفاَفْ اَسَناَّفْ
لَمْتِينْ ءُ لاَحُ فــَـــالْبـِـــــــــلاَدْ لَبْعـِـــيدَ اَمْرَگ ْ موُلْ الْخِلاَفْ
التـُگاَفْ ءُ ذاَكْ الْمــُــــــــرَادْ حَقَقْ عـَـنْ جَمْعْ النِّكــَـــافْ
مَاهُ وَاَياََّهْ ءُ حَقـــَــــــــــقْ زَادْ اَنًّ مَا وَايَّاهْ التــَّـــــــــخْنَافْ
ذ َ نَهْجْ الْعَارْ اَگـْـــــــــــــــدَادْ فاَلْــــفَضِيلَ وَ افـْـلَسْتِشْرَافْ
ءُ لاَهُ زاَدْ اَمَّلِّ مَتـْگـــَـــــــادْ وَ اشْرَافْ ءُ لاَفِـيهَمْ لَطْرَافْ
يَعـْـط ُمـَــــــالْ الدَّمْ ءُ لَشْـدَادْ وَ امْنَيْنْ الْعـَــطِيَ تـَگْصَافْ
وَ اتْشـَــــفْ ءُ تَغْلَ عَنْ تُمَادْ يَعــْـــطوُهْ مَاهُ بَالتَّسْــيَافْ
فَالتــَّــــگْرَاظ ْاَعْلَ حَالْ اَمْـگاَدْ زَيْــــــنْ ءُلاَهُ حَالْ التَّسْيَافْ
اِيبــَـــــــــــــــلْهَمْ ذِيكْ اَلِّ تُرَادْ يَاسَرْ يَخــْــــــتَيْرْ اِرَاهَ راَفْ
كاَنْ اَعْلٍيهَ غــَــــــيْرْ اَمْشَ قاَدْ روُحُ مَزَّلَّعْ بَالتـَّـــــــلْيَافْ
ذَِيكْ اِيبَلْ مَاهِ لَلْفــَـــــــــــسَادْ اِيبَلْ مَتْحـَــــكَّ تَحْتْ اَكْناَفْ
اَعْمَايَمْ ِريَاسْ اَسـْــــــــــيَادْ يُومْ اَمْنَيْنْ اَتْرَگ ْ ءُ تَخـْـفَافْ
قِيمَتْهَ يُومْ اَمْنَيْنْ اَگـْــــــــــــادْ بَرْكْ اَخْيَامْ اَحْلَلْ نَجْـعْ اَلْكاَفْ
يَتْمَشَّ يَشاَّيَرْ قـَــــــــــــــصَّادْ تَرْخَسْ فَمْ الْبَـلْ بَالتـَّصْرَافْ
ءُ تَفْنَ فَالْـگَصْــــــعَ وَ الْبَرَّادْ وَاتْرُومْ اعْلَ اتْشَلِْويشْ اَشْلاَفْ
اَحْرَامْ اَلْعَارْ ءُ تَجْـــــــــبَرْ زاَدْ وَصْفْ اَمْنْ اَشَكْـرَافْ ءُلَكْتاَفْ
وَ الْعَطِيَ لَهْلْ التَّمْــــــــــــجَادْ وَ الطَّمْعَ شِِِ مَا گـَـــط ْاَنْشَافْ
وَاغْلَ مَنْْ مَرَِّارْ الْبـَــــــــزْرَادْ زاَدْ الْحَرْ اِلاَ اخْلَـگ ْنِكــَــــــافْ
اَمْحَاِل وَ انترُ لـَـغـْـــــــــــمَاد} تـَــــغـْـــلَ مَنْ فـَـمْ اَصَّ هِيَّ
حَـگ ْ ءُ لاَهِ لاَهِ تَتـْگـــَـــــــــــادْ هِيَ ِويــــــبَلْ لـــَـــــــــــدَمِيَّ
هِيَ تاَبَ تَمـْـــــــــــــِش تَنـْگَادْ فاَ لْخـَــــدْمَ تَخـْـــــدَمْ نَفْسِيَّ
ءُ لاَ گَطْ انْـگــَادَتْ بَالتَّجْرَادْ لَعْرَبْ فَامْـــــــــِريرَ ذِيكِهِيَّ
شِيعَ شـَــــــــــيْنَ لاَ ِه تُرَادْ اَبْدَ يَالرّوُحْ اَحْــــــــــرَاِويَ
يُومْ اَمْنَيْنْ اِرَعـَّــــــدْ تَرْعاَدْ صَكَّتْ حـَــــــــــــسْ الثَّلاَثِيَّ
وَ اللهِ مَا تَمْـــــِش ِبيهَ زاَدْ قَبِيلَ يَسـْــــــــــــوَ مَنِْهيَّ
تَنـْگاَدْ اَلاَّ سَاعَة ْ لَمْـگــَـــــادْ وَ افْمُعَـــــــــــــمَالَ ذِيكِيَّ
وَلاَّ لَشْعَارْ التَّمـْــــــــــــــجَادْ زَادْ اِلاَ عاَدَتْ مَعـــْـــطِيَِّ

اتْهَيْدِنْتْ أَجْمَلْ
يَجَمِْل لاَ تـَفـْـتَـرْ بَالشـَّـــــوْرْ خَلِّ عـَـــــنَكْ ذاَكْ التَّخْمَامْ
ذاَكْ التَّخْمَامْ اَفْطَنْ مَحْـگوُرْ وَانْتَ مَزَلْـتْ اوُرَاكْ الْعَامْ
رَدْ اَزْمَامْ اُمـُـــــورَكْ لُمُــورْ الْمَقـْـدوُرْ وُ زَمَّـــمْ بَزْمَامْ
عَنْ مَا خَالَـگْ كـُـونْ الْمَقْدُورْ ءُ عَنْ ذ َمَاهُ خَالَــــــگ ْتاَمْ
وَنْ اَخْيَامْ اَرْگـَــيْـبْ اَلِّ دَوْرْ حَدْ اِشَفْــِر كَانْ اَفْلَخـْــــيَامْ
يَجْبَرْ فـِــــــيهَمْ ذاَكْ الْمَدْيُورْ مَنْ مَجْموٌعْ الْهَمْ اَلِّ هاَمْ
مَسْــِخ ِبيهْ وُ زَيْنْ وُ مَجْبُورْ اَكْبِيرْ وُلاَهُ بَالتـَّــــــــرْمَامْ
گــَـفاَوْ اَمْنْ امْـگاَفِ لَـگْصُورْ وَلَّ عَادُ فــِـيهَمْ لَـگـْــــيَامْ
بَرْحــِــــيلْ التَّخْمَامْ الْمَــــشْهُورْ هَمَّكْ لاَ هَمّــــَكْ بَالتَّخـْـــمَامْ
اَعْجـَــــــــلْ وَلَّ وَاِس بَالشّـُــورْ هـَـمَّــــــكْ رَاهٌ عـَـادْ الْـگَدَّامْ
النَّجْعْ اَلِّ لَلـْــــــــــــــهَمْ اتْـدَوْرْ جَمْعُ وَاتـْگـَـسَّــمْ ذ َالتـَّگْسَامْ
اَللِّ شَوْرُ مَاهْ اعْلَ شــَـــــــــــوْرْ وَاللِّ دَار الحــــتك ءً لَـگْدَامْ
وَاللِّ دَارْ الْكــَــــــــــــدْيَ وَادَّورْ مَنْ فَمْ الْفَيْظ َبَالتَّـگــْـــــــداَمْ
وَاللِّ جـــَــــــــا بَوَّاهُ مَنْ شَـــوْرْ تِيرَسْ بَرْحْيلْ الناَّسْ ءُ گَامْ
وَاللِّ مَارَدْ افــْــــــــذ َالْمَــذْكـُـورْ التَّخْمَامْ ءُ مَضَّ لَمْـگــَــــامْ
لاَتـَــهـْـــــــرَمْ ِويلَ عــَـــادْ اِدُورْ لاَهِ عَادْ اِمَسـَّـــــكْ لَهْـــرَامْ
يَجَمِْل گــــَــــــــــــاعْ اَسْوَ شَدُورْ اَهْرَمْ بَعْدْ اَعـْـــلَ يَمْ اَخْيَامْ
نَجْعْ اَرْگــَـــيْبْ اَللِّ مَا مَقـْـــــدوُرْ اَعْلِيهْ الْقُوَ بَالتـَّـفــْــــــخَامْ
قـُـوَّتْ حَدْ ابْقـُـوَ مَنـْـــــــــظـُــورْ النَّجْعْ اَللِّ زَهُو التـَّـــــلْثاَمْ
بَالْبَهْوَاتْ اَعـْـــــــــلَ كََلْ اَزْهـُــورْ وَ التَّهْــــتاَمْ اَبْشِ مَـاهُ تاَمْ
ذاَكْ وُ فــَــــــــــــعْلُ مَاهُ مَجـْــــبُورْ مَاهُ شِ مـَـالُ بَالتَّشـْــــيَامْ
طَوْرُ مَاهُ گــــَــــــــاعْ اَعْلَ طوُرْ ذاَكْ اهْنَدْ مَنْ ذاَكْ التَّهْتاَمْ
وَاثْبَتْ وَگـَلْ اَخـْــــــــبَارْ اُمـُــورْ هُوَ نَجْعْ امْعَــــدَّلْ يَرْتـَـامْ
بَالشَّوْرْ ابْدَ مَاهُ گــَـــــــــــشـُـورْ ِبيهْ اَللِّ خــَـــصَّيْتْ الْكِرَامْ
اَللِّ تَنْخَصْ اَمْنــَـــيْنْ اتْحـُـــــورْ لَذْهَانْ افْمَعْـــــطَ مَا يَنْسَامْ
وَ الْهـَــــمْ اَللِّ اتْدُورْ اَعْلَ دُورْ لَوْحـَـــاتْ اَلاَّ عَامْ اوُرَ عاَمْ
تُجَهَّزْ بَالْخـَـيْـط ْالْمَنْشُــــــــورْ اَلاَّ عـَــــمَّـــــيْتْ اَلهَمْ الْعَامْ
هَمَّكْ بَزْمَامْ اَزْكَاتْ اَعْشـُــــورْ لَلْعَرْضْ اَمْنْ اَلْسَانْ الشَّتَّامْ
نَصْرَ لَلِّ مَاهُ مَنــْـــــصـُــــورْ الْمَنـْـــــــظــُـومْ ءُلاَهُ ظَلاَّمْ
ذ َنَجْعْ الشِّيعَ بَالتَّكْـــــــــــرُورْْ وَابْلاَ نَصْــرَ فـِـــيهْ الظَّلاَّمْ
وَافْجَانَبْ يَصْبَحْ حَرْ اِجُــــــورْ مَحَـــــــــدَّنّ ُ رَاخِ لَكـْــــمَامْ
اِلَمْ ءُ يَصــَّـــــــوَّرْ بَالصــّـُــورْ اَللِّ مَاهِ صَــبْغْ افْلَعـْــــــظاَمْ
اَمْنْ الْبَشاَشَ وَ السـّـُـــــــرُورْ وَ الدَّحْلْ اَگْبَلْ صِفاَتْ اَنْظاَمْ
وَانْحَكْ اَعْلَ دَحْلْ الْمَسْـــــــرُورْ غَيْرْاِلاَ فاَتْ اَنْظاَمْ ءُ ظـَـــامْ
يَنْزَلْ عَيْنْ النَّصْ اّفْلَغـْــــــــرُورْ يَسَّلْطَنْ ِوافـَــــرْدَلْ مَا گـَامْ
فاَلظِّيَامْ اتْفــَــــرْدِيلْ اَغــْـــــرُورْ فِيهْ اَنْعـِِــــيلْ اَمَّـاتْ الظِّياَمْ
وَارْظاَتْ الظـِّـيَامْ وَ مَعـْـــــــمُورْ گاَعْ اَعـْـــــلَ لَبَّاتْ وُ لَعْمَامْ
كَمْ مَنْ سَلْطاَنْ اَمْشَ مَكْسـُـــورْ وَانْظاَمْ اَعْـلَ رَاسُ وَانْظاَمْ
يَتْكَرْفَصْ مَغْرُورْ وُ مَحـْــــرُورْ مَنُ وَاحْـگـَــــرْ زَيْنْ التَّلْثاَمْ
مَا ظــَـــــامْ وُ عَادْ اوُرَ لَبْحوُرْ وَاخـْــــــلاَگ ُتَنْظاَمْ اَبْتَنْظاَمْ
اَرْصـَـاصْ اِطَيَّرْ رُوسْ اَصْدوُرْ لَعْدُ يَكـْــــــــرَمْ فِيهْ اَلْحَوَّامْ
يُومْ اَنْحَــلْ اَعْلَ الشّوُرْ الزّوُرْ وَازْعَمْ لَشـَّرْ اَزْعَامْ اَزْعاَمْ
فَسَّدْ بَالْحـَـــزْمْ اَعْزاَمْ اَصْطوُرْ لَصْـگاَرْ ءُحَلْ اَعْزاَمْ اَحْزَامْ
الزَّعْمَ وَاظــْـــــــــهَرْ بَلْ اِدوُرْ وَاتْـرَكْ ِبيهْ الْغـَــلْيَانْ اَيْتاَمْ
حَكَّكْ غَظـــَّــــابَتْ كَمْ مَنْ ثَوْرْ اِلَيْنْ اَعْلَ تَحْكــــَـــــاكُ رَامْ
وَاعـْــــرَفْ عَنُ نَبْــعَ مَنْ نوُرْ شَرْفَ مَنْ سَيِّدْ لَنـــَــــــــامْ
مَا يَنْســَـــــامْ اَبْلَـگْسَ وَابْحوُرْ صَوْلاَتُ مَا تـَگـْدَرْ تَنـْـسـَـامْ
يََغْرَسْ وَانَكـَّـــــسْ مَنْ مُطوُرْ وَغْدَرْ زَادْ اَمْنْ اَغْرَاسْ اَكْشاَمْ
وَسَحْسَنْ وَامْتـــَـــــــنْ تَدَبُورْ وَاعْوَجْ بَاطَلْ وَاگْسَ تَسْـگاَمْ
كَمْ مَنْ يُومْ اَكْسَرْ كَمْ مَنْ صُورْ خَــــنْدَقْ شَيْنْ وُ فَسَّدْ لَعْزَامْ
بَرَاتــِـــــــــــيمْ الْوَنْدِ وَ الْكُـورْ اللهْ لاَ يَـگـــْـــــــلَعْ لَمْ اَخْيَامْ
اِتَمّ ُفَالشـَّــحْ وُ لَغـْـــــــــــرُورْ يَمْتَرْدُ بَزْعَامْ التَّعْـــــــــزَامْ
ذوُكْ اَزْعـَـــامْ الظاَّمْ الْمَحْظوُرْ حَزْمْ الشـَّــــرْ اِلاَ دَامْ ءُ دَامْ
وَامَغْفَرْ فَاتْلاَطـِــــــيمْ الشُرُورْ مَاگَطْ اَلـْگـــَــاهَمْ بَالتَّلْطاَمْ
بَالسِّلاَحْ الزَّيْنْ اَلْمَنـْـتــُــــــورْ بَسْـلَ فَادْخـــَـــــاخِينْ اَگْيَامْ
لَمْدَافَعْ مَرْگَبْ رُوسْ اَصْطوُرْ لَزْدِحـَــامْ اَلْدَعـْــوَتْ ِلسْلاَمْ
وَ الْهَيْلاَلَ وَ التـــَّــــــــفـَــكُورْ مَا گَط ْاَبْسَبَبْ مَنـْــــهَمْ گاَمْ
اَگْيَامْ اَمْسَـگَّمْ شَوْرْ الشـَّـــوْرْ اَفْجَيْشْ اَلْعَرَمْرَمْ مَا گــَــامْ
مُظَهَّرْ تَـگــْــــدَامْ اَظــْــــهوُرْ الرِّجَالْ افْسَاعَةْ ِلقــْـــــدَامْ
بَرَّادِينْ اَحـْــــــرُورْ اَلْمَحْرُورْ رَفاَّدِينْ اَعْلَ رُوسْ اَعـْلاَمْ
الشَّكَرْ اَلْفـَــوْگ ْاَفْحـَـــالْ اُمُورْ الشَّكَرْ اَللِّ يَرْفَدْ لَعْـــــــلاَمْ
عَطاَّيِينْ اَخْنــــَـــاِديدْ الْخــُـورْ ِويمَـلْيَانْ اَللِّ سَبْغْ اَظـْــلاَمْ
ِبيهْ اَلْفَرْگ ْاَللِّ فـَـزْ اَطــْـــــيُورْ يَرْبُوهْ اَعْلَ وَزْنْ التَّخـْــمَامْ
مَا غَدِيلْ الزَّهُو اَلْمَعْصــُـــورْ فَالْمَعْط َمَنْ مَلْحَفْتْ اَحْــرَامْ
اَمْنْ اَكـْــِس وَاحَايَكْ مَخـْـمُورْ وَزَيْنْ وُ عَكْـِرزَيْنْ وٌ سَلْهَامْ
زَيْنْ وُ زَرْبِيَ تَشـْــــعـَـلْ نوُرْ لَـگْشَمْ ِفيه اِحُـورُ لَفـْـــــهَامْ
هَاذَ شَايَعْ مَاهُ مَنـْـــــــــــكوُرْ زَيْنْ وُ شاَيَعْ فَاصْـرَبْ رَدَّامْ
وَاعْرَبْ كِيفَ وَاعْرَبْ دَيْمُورْ شاَط ْاَعْلَ اَلْقِــيَاسْ اَمْلاَسُ
ِريَاسُ مَنْ جـَهْـدْ الْقـِــــيَاسْ فَالْغَلْظْ اَمْهَوَّسْ تَهْـــــوَاسُ
وَاخْيَارْ الناَّسْ اَللِّ تَنـْگــَــاسْ هوُمَ حَدْ السَّاحَلْ گـــَـــاسُ
يَعْرَفْ عَنْ نَاسُ بَالتَّسْـــيَاسْ هوُمَ وَالاَّ هوُمَ نـــَـــــــاسُ
هوُمَ ِريــــَـــــاسُ بَالـــــرِّيَاسْ اَلْخـَــــــيْرْ وُ فَتْرُ ِريَاسُ
گَطْعُ بَمَّاسُ وَ التَّنـْــــكــــَـــاسْ هوُمَ سَـگـَّـــامِينْ اَعْكاَسُ

الـــــرَّادْحَ

عَفـــَــــاكْ يَقَبِيلَة ْالْعَـهْدْ اَلْمَـعْـهوُدْ وَاصْبَرْوَاتْمَعْـــِليمْ وَ اطـْــِريحْ لَخْلـَگاَتْ
زَوَّاِزينْ اَجْهـُــودْ تَوْاَعـْگِيدْ اَجْـلوُدْ بَالْمـَــــالْ اَللَّنْفـــَـــاسْ اَلْمَوْتْ بَالْغاَرَاتْ
عَفاَكْ بَالصَّحْ يَشْرَافْ نَسْبْ اَجْـدُودْ اَمْنَيْنْ صَخـْـــــط ْالْعَامْ وَاعْـطَ بَالتاَّلْيَاتْ
وَاوْجَبْ گَوْلْ الْـگـَـوْلَ الْكَانْ مَجْحوُدْ التَّجَارْ لَبْطاَلْ حـَــــــسْـــبْ الشَّرَفاَتْ
اَلِّ تَعْرَفْ شـَــانْ شَكْرْ اَلْهَا مَرْفوُدْ ءُ تَعْرَفْ مُقـَــــــــابَلْتْ اَهْلُ بَالرَّشْوَاتْ
اَمْنَوْلاَدْ اَجْوَادْ اَسـْــلاَطِينْ اَلْجُـودْ اَلِّ تَعْـــــــــــرَفْ يَمْ مَدْ الْمـــَــــــالِيَاتْ
فَخْبَرْغَلْظ ْالشـَّانْ كَانْ اَلِّ مَـقـْـصُودْ ِويلَ عــَـــــاتْ ِذيكْ لَخْبَارْ اَتْمَـگـْفَاتْ
شَاعَرْ گَالْ اَغـْنَاهْ ظَرْوَكْ زَيْنْ اِعوُدْ مَنْ لاَهِ يَعْطِيهْ رَشْوَةْ مُكـــَـــــــافاَتْ
شَكْرُ فاَمْــسَانِينْ مَعْط َ مَالْ اِكـُودْ مَنْ دُونْ اَرْگَيْبَاتْ ذاَكْ اَحــْـــــلَيْلْ أَمَّاتْ
رَجَّالَ يَعْـــطوُهْ بَيْدِ يهَمْ مَمـْــدُودْ مَنْ ذ َالْقَطْرْ الْيُومْ يَكوُنْ اَرْگــَــــــيْبَاتْ
هوُمَ حَمـَّــاِلينْ اَلْحَمْلْ اَثـْگِيلْ اَرْفوُدْ شِيعَةْ مَعْطَ ذاَكْ بَيْتْ اَلْعـَـــــــطـِـــيَاتْ
اَمْنْ اَرَجْ وَزُزَالْ وَالْعَشـْرَءُ لَـگـْعُودْ وَالْخَادَمْ وَالْعــَـــــبْدْ التَّسِْريحْ ءُ ذاَتْ
لَكْوَاغــَـطْ وَالْعَيْنْ وَالْخَنْطْ اَلْمَـكْرُودْ وَالْعَرْظ َ لَلْعَارْ بَنــْــــــــوَاعْ اَلْفــَـــوَاتء
مَنْ يَاسَــرْ مَنْ عَدْ ِشِ مَاهُ مَعْــدُودْ كَصْرَتْنَا عـِــــــــــمَانْ تَرْثاَمْ الْهَفْوَاتْ
الدَّنْيَ مَنْ ِشِ مَقْصَدْ مَقـْـــصُودْ لوُلَ مُولاَنَ وَ ارْگــــَــــــــــيْبَاتْ اَخْلاَتْ
وَ اللهْ يَوَادْنـُـونْ مَا دوُنُ مَوْجُودْ اَگْبَظ ْوَلَّ اَنْـگــْـــــــــــبَظ ْيَصْرَگْ وَلَّ مَاتْ
وَلَّ اُنَـيَّرْ بَخـْـــبَرْ شَيْنْ مَجْحـُـودْ هَشاَّ مْءُ حـَـــــــشَّامْ فَاجْمُوعْ لَكـْـبَارَاتْ
نَشْهَدْ بَاللهْ اَلاَّ هُوَ اَكَــــبْرْ اَشْهُـودْ اَلَّ وَخـْــــيَرْتْ حَاظْرَ ءُ غَايْبَ بَرْگـَيْبَاتْ
ذاَكْ اِلاَاجْحَدْناَهْ اَحْنَ رَاهُومَ گاَعْ لَبْنـُودْ اَكَـبْرْاَمْناَزْغـَاِريتْ وَاجْمُوعْ وَالْحَصْرَاتْ
وَخْيَرْتْ بَرْگَيْبَاتْ رَافـْـــدَ كَلْ اَرْفـُودْ اَمْزَمْلَ اَمْحـَـــــمْلَ مَنْ عَــنْدْ وَخْيَرْتاَتْ
عَارْفَ ِش الرَّاصْهَ عَـنْهَ يَالَ اتْعـُودْ وَخْيَرْتْ عـَنْدْ وَخـْيَرْتْ بَرْگَيْبَاتْ اُفاَتْ
اَلْحَـگ ْاَنْـگـُلوُهْ وَالْقَصْدْ الْمَقـْـــصُودْ لَعـْـــــــدُ وَ الْحَـسَّادْ فَمْرُ مَا شَفْرَاتْ
لُشَفْرَاتْ اَگْبَيْلْ فـَـــمْرُ بَعْدْ اَتْعـُــــودْ تَعْرَفْ عَـنْ ِش زَيْنْ زَيْنْ اَفْزَيْنْ الذَّوَاتْ
وُتَعْرَفْ عَـنِْش شَيْنْ مَعْـيُوبْ وُمَرْدُودْ ءُ تَعْــرَفْ عَنْ اَرْگَيْبَاتْ شَرْفَ يَلُ عَاتْ
حَقـِــــــيقَةْ ِش حَـگ ْمَزَالْ مَجـْـــــحُودْ لاَهِ يَنـْگـــَــــــــالْ عـَـــــنْهَ حـَگ ْ اَتْلاَتْ
وَلَّ بَالتََّقـْـــدِ يرْ يُقَدَّرْ اَنْ اَتْعــُـــــــودْ تَرْكَتْ جَاهْ اَرْسـُـــــولْ فَوْلاَدْ لَعْلَياَتْ
هُومَ اَوْلاَدْ اَرْسوُلْ سِيـــدْ اَلْوُجـُـــودْ مُحَمَّدْ خــَاتَمْ جَمــِـــــــــــيعْ الرِّسَالاَتْ
اَلِّ اَتْكَوْنْ اَلْكَوْنْ مَنْ بَرَكْتُ بُجـُــــــودْ الدَّنْيَ مَـــنْ عـَـــنْدْ بًلْ اَمْنَيْنْ اَنْتْشَاتْ
هوُمَ اَوْلاَدْ الشَّيْخْ سِيدَاحَمْدْ اَلْمَعْــقوُدْ اَلْمَتْلاَحــْـگ َ فـِـيهْ بَرْكَتْ سِيدَ حَمْـــدَاتْ
سِيدَحَمْدْ اَرْگَيْبِ وَلْ سِيدَحَمْدْ اَلْمَعْقوُدْ لَكْــِبيرْ ظَوْ قــَــــــنْدِيرْ لَـگـْتاَوَ وَاتْوَاتْ
هُوَ الشَّيْخْ الشَّيْخْ ِسيدَحَمْــدْ اَلْمَوْرُودْ اَرْگـَـيْبِ اَلِّ ظــَـــوْ اَنـْوَارُ ِبيهْ اَطْفاَتْ
لَنْوَارْ ءُ شَغْلاَتْ بَالْفــَـــــيْظْ اَلْمَمْـدُودْ اَنْــوَارُ بَالْفـَــــــــــــيْظْ وَ الْقَطْبَانِيَاتْ
وَ الْكَرْمْ وَ الْجُودْ وَالطـِّــيبْ الْمَرْفـُودْ قَنْــدِيلْ لَحـْــــــبَاشَ ءُ ِزينِ وَايْدَرَاتْ
وَ السَّاگـْيَ مَنْ عَنْدْ مَنْحَرْ گوُرْ لَبَْرٌودْ اِلىَ اَلْحـَــــرَمَـيْنْ ذاَكْ شــَـاعْ ءُ ذَ فاَتْ
انْـگاَلْ ءُ گَلْتُ گـَاعْ اَعْلِيهْ اَشــْــهـُودْ وَ اجْيُوشْ السَّلْطاَنْ لَكْحَـلْ يُومْ لَجْبَاتْ
لَلْخَـــلْــوَ مَا كَـــلــَّــــــمْهَ مَوْجــُــودْ دَخْلَتْ مَحْظوُرْ بَعـْـــدَنْ فِيهْ اَخْلاَتْ
ءُ كَلَّمْهَ وَابْـگـَاتْ كوُنْ اَجْنوُدْ اَصْرُودْ حَلَّلْْهَ فَالْكَوْنْ اَعـْــــــــــــزَايَمْ وُهَزَّاتْ
عَزَايَمْ اَسْمْ اللهْ السـَّــــــرْ الْمَرْفوُدْ خَلَّ حَصِ الْوَادْ عـَــيْنْ اَذْهَبْ بَالذاَّتْ
يُكَيَّلْ بَالصــَّــــــــــاعْ الْحَدْ اَلْمَمْدوُدْ وَ انْطاَعَتْلُ لَرْضْ ِكيفْ اَبْغَ وَابْغَاتْ
وَابْغـَاهْ السـَّــلْطاَنْ وَاظْهَرْ بَالْمَقْصُودْ وَ اظْهَرْ بَالظَّهِــيرْ مَلـْــــــكْ التَّرَبَاتْ
مَنْ عــَـــــنْدْ لَخْرَاِويعْ لَذْرَاعْ ِتنَفّوُدْ وَرَانْ لَرَوَانْ لَحْرَيْـگـْــــفَتْ تـَگــَـــانْتْ
اَلْتِيرَسْ لاَدْرَارْ سَطــَّــــفْ اَلْوَادْ اَلْعَوْدْ لَلسَّاحَلْ لَلشَّطْ لَسْـــــــــــبَعْ مَوْجَاتْ
مَنْ بَحـْــــــرْ اَلْمُحِيطْ فَشْوَاِجيرْ لَعْـگُودْ وَ اشْوَاجِيرْ لَعْـگــُـــــودْ زاَدْ اِلاَ اَتْلاَتْ
تُفـَسـَّـــــــرْ بَالْحَـگ ْ مَاهُ سَرْ مَجْحوُدْ اَشْوَاِجيرْ تَصْحـِيحْ شَرَفْ مُصَحَّاتْ
تَسَلْسُلْ فَصـْــــــــلاَبْ رَجَّالَ وَاقْيُودْ نَسْلْ اَطْيَبْ لَبـَّـــــاتْ وَاطْيَبْ لَمَّهَاتْ
اَبَّاتْ وَاعـْــمَامْ وَ اخـْـــــوَالْ وَاجْدُودْ جَدْ اَفْجَدْ اَفْجَدْ مَنْ قـُرَيْشْ وَ اتْنَاتـْـ
ـــــــرُوهَمْ مَنْ قُرَيْشْ رُؤَسَــأيْ اَفوُدْ بَنِي هَاشـــَـمْ لَيْنْ بَيْتْ النــّـُبــُوؤَاتْ
ذَهِيَ لَخِبَارْ وَاخــْـــــــــــــبَرْ تَرَدُودْ فَالْغَيْرْ وَ الْحَسـْــدْ وَافـْـمُــطـَـــوِّلاَتْ
لَغْرَاضْ الْفاَسْدِينْ مَنْ غَبْرَة ْبُونْسُــودْ لَحْسَنْ عَنْدِ بَعـْـــدْ مَا اَتْوَجَّهْ اَرْگَيْبَاتْ
نَصُوحْتْ اَلْمُومْنِينْ وَاجْبَ اَمْنَيْنْ اَتْعوُدْ نَصُوحَ بَالْحَـگْ مَنْ حــَـــدْ اَحْظَرْ فاَتْ
شَافْ ابْـشَـوْفْ اَلْعَـــيْنْ ِش مَاهُ مَرْدوُدْ مَنْ رَدْ اَخْبَارْ كاَنْ اَهـْــــلْ التَّفْتَاتْ
يَلَعْدُو يَاصـْـــــــِديـگْ يَالْحَسَّادْ لَـگـْعوُدْ يَالْبَرَّانِيِّينْ ءُ يَهْلْ الْمَعـْـــــــــِريفاَتْ
نَاصَحْكَمْ للهْ وَ الْمُــــوجَبْ مَوْجـُودْ التَّلْفاَتْ اَعْلَ ِش فاَتْ مَنْ گَدْ اَرْگـَـيْبَاتْ
خَلوُّهْ اَنّ ُ فاَتْ مَاشــَـــورُ مَقـْـــصُودْ ِبيهْ اَلِّ اَلِّ فاَتْ مَا شَــــوْرُتَلْفـَـــــــــاتْ
لَعْدَنْ نَدَّهْرَاوْ وَسْط ْاَغـْـــِريـگ ْاِعوُدْ اَمْحَاِل فَعْمَارْ لَوْلاَدْ ءُ لَمْــــــــــــناَتْ
وَامْحَاِل فاَلسُّودْ فاَلْغـَـــارَاتْ السـّـُودْ وَامْحَالِ فََعـْـــمَارَةْ لَمْدُونْ وَ الْقَرْيَاتْ
وَ اَمْحَاِل فَالْحَرْثْ وَامْحَاِل فاَلشـَّــوْدْ لَغِْريـگ ْ فَالشَّوْدْ ءُ لَعِْزيبْ ءُ لَمْبَاتْ
وَ امْحَاِل فَطْلِيبْ اَلْجَ صَايَلْ مَعْــدُودْ اِگَصْ اَدْوَاحِيسْ لَيْعَ گَطْ اَبْـگــَــاتْ
تَجِْر ِِفيهْ اَجْــِديدْ ءُ دَرْسْ زَادْ اِعـُودْ غَــيْرْ اِلاَ سَامَحْــتْ وَحْــدِ مَنْ بَناَتْ
فـَــــكْـِر ءُ صَبْتْ گـَـــاعْ اَنْلوُدْ انْلـُودْ عَنْ وَجْهْ اَرْگـَيْبَاتْ اَمْغِـيرْ الْغاَرَاتْ
كَلْ اَفْجُورْ وَاصْـــبَاحْ بَالْغاَرَاتْ اَتْكوُدْ لَمْحاَصَرْ بَزْمَامْ تـَــگـْـرَانْ الرَّحْلاَتْ
وَ الدَّرْجْ وَ اَرَايْ وَ السَّعْدْ الْمَسْعوُدْ ءُ ذاَكْ الْمُوجَ فِــيهْ لَلـناَّسْ اَظْوَاتْ
فَالرَّجِْل وَ الســَّــــــــمْ وَاغْمَامْ الْبَارُودْ وَ الْقُوَ وَ الْبـَـــاسْ تَوْ الْمُلاَقاَتْ
اَمْدَافَعْهَمْ كاَنْ ظَلُ يُومْ اَصـْــــــــــدُودْ اَعْــــلَ جَـــيْشْ اِرُوحْ كَاِرَمَذاَتْ
مَحْـگوُرْ وُمَعْــيُوبْ وَ الشـَّــانْ اَمْرُودْ مَا تَبْـگـَالُ ِريمْ مَا ناَحَتْ وَبْكاَتْ
وَافْسَدْ اَرَايُ اَبْرَهْجْ اَسْمــَــــعْ مَرْفوُدْ مَنْ حَسْ التَّكـْـِبيرْ وَ امْنْ الْهَيْلَلاَتْ
وَارْگـَيْــبَاتْ اَتْرَاقْبْ الْمَـــوْتْ اَگـْعُودْ تَســـَّـــــابَـگ ْ شـَـــوْرْ الْحـُـــوِريَاتْ
هَاذَ طاَيَحْ ءُ حَيْ ِبيهْ مُخَرْبَـگ ْ مَمْدُودْ فاَتْ اَرْبَحْ لَسـْـلاَبْ وَاجْمَعْ رَبْحُ فاَتْ
ءُ هَاذَ اَجْمَدْ خَلَّ لَحْسَابْ مَعـْــــــــدوُدْ جَابْ اَسْلاَبُ حَمْرْاُتَرْكُوهَمْ فِيهْ اَشْتَاتْ
ءُ هَاِذيكْ اَمْجَاِريحْ اَرْفوُدْ اَرْفــُـــــــودْ يَسْوَ گــــَـاعْ الْحَيْ مَنْهَ وَلِّ مَاتْ
فَادْيَارْ الْفِرْدَوْسْ فَالظَّلْ ءُ لَبْــــــــرْودْ فَالْجـَــــنَ مَنْ عَنْدْ بَلْ اَمْنَيْنْ اَزْهَاتْ
فََوْگ ْ اَحْرَايَرْ خَيْلْ تَعْـگَبْ فَمْ اَجـْــمُودْ فَحْمـُـومْ الْبَارُودْ وَسْط ْاَغِْريـگ ْاَعْيَاتْ
اَدَّوِّيهَ ِفيهْ عِيَلْ حَرْبْ اَصْــــــــيُودْ فَبْلَدْ گَطْ اَمْنَيْنْ فَالْحَرْبْ اَتْدَرْبَاتْ
اَشْوَاَبينْ وُخَيْلْ وَاعْمَـــــــــايَمْ اَرْفوُدْ مَاگــَـــطْ اتْوَلاَتْ صَفْيَ وَ اتْوَلاَتْ
قَـَــبِـِــيلَ مَا دَارَتْ الشَّيْنْ لَقـْـــــيُودْ مَنْهَ وَسْتْ اَخْيَامْ دَرْجَتْهَ وَ اعْمَاتْ
وَلَّ گــــَاعْ اَخْلاَصْ مَاتَ ِش مَرْدُودْ فَخْبَرْهَ مَنْ گَدْ زَيْنْ الْغـَــــلْظْ اَتْلاَتْ
دَرْتْ اَعـْـــِليهَمْ سَرْ لَسْمْ اَلِّ مَرْفوُدْ ِبيهْ اَلْجَوْ اَگــْـــــبَيْلْ فَوْگ ْ التَّرَبَاتْ
مَكْنُونْ ءُ مَكـْـــــتُوبْ فَاللَّوْحْ الْمَعْقوُدْ فََكْنُوزْءُ عــَنْ رُمُوزْ ءُ عَنْ مُغَيَّبَاتْ
سَرْ اَفْسَـــــــرْ مَنْ سَرْ اللهْ الْمَعْبُودْ يَعْمِ عَـنْهَمْ عَيْنْ بَاسْ اَلْمَخْلوُقاَتْ
يَارَبِّ لاَ زَالْ ظــَــــــــلْ اَخْيَامْ لَبْرُودْ اَخـْيَامْ اَرْگَيْبَاتْ هَاذوُكْ لَمْسَكْناَتْ
اَخْيَامْ الضِّعَافْ لَمْشَيْفـَـــرَاتْ اَگـْعُودْ مَا اِحَانُ الْغَزْيَانْ اَلاَّ اَگـْعُودْ فَسْعَايَاتْ
وُلاَ اِحَانُ الصَّبَاتْ وُلاَ اَرْفاَيَـگ ْ اَلْـگَوْدْ وُلاَ مَنْتْ اَلْـگاَحْ وُلاَ اَنْيَاگْ لَمْكَمْلاَتْ
ءُ لاَفِيهَمْ لِصــُـــوگ ْمَانـَلاَّ ءُ لاَ أيْـگُودْ ءُ لاَ يْســَــــالْ اَبْعِيرْ ءُلاَ دَيْنْ اُگِيَاتْ
اِحَانُ اَلاَّ اَللهْ غَيْرْ اَللهْ مَــــــــوْجُودْ وَلَّ اَلِّ رَاجـْـــِيينْ فَخْيَامْ اَرْگَيْبَاتْ
هُومَ اَخْيَامْ تَبْرَادْ لَيْعَةْ حَلْ اَكـْــــــــبُودْ مَنْ ِش غـَايَبْ ءُ ِش حَاظَرْءُ ِش فَاتْ
ءُهُومَ اَخْيَامْ مَعْط َاَجْمَالْ اَلْعَيْنِيهَمْ سُودْ لَلشَّرْفْ ءُ لَشـْـيَاخْ ءُ شْعَارْ الرَّدَّاتْ
هُومَ اَخْيَامْ الظَّلْ فَالْعَامْ الْمَــــــــشْـدُودْ لَلْعَزْرِ وَ اجَّارْ وَ اصْــــــرَبْ لَمْبَرْكاَتْ
هُومَ اَخْيَامْ اَلْقَصْدْ اَلِّ مَقْصـُــــــــــــودْ وَ اَزَگــَّــالْ لَكْبِيرْ وَ الدَّهْكْ وَ الْفَوَاتْ

مدح اذرار سيــدحــمد حد
و يقول الشاعر الاديب و العلامة محمد عبد الرحمان ولد عبد العزيز ولد الرباني رحمه الله:
مَدْحْ اَذْرَاِر سِيــدَحْــمَدْ حَدْ فِيهْ ِارُوغْ اَلْحَدْ اَبْلاَ حَدْ
مَـــدْحِ لَذْرَاِر سِـــيدَ حْمَدْ فِيهْ الْمَقـْــصَدْ مَاهُ وَافِ
بَسْمَنْ حـِـــالَ يَوْفَ مَقْصَدْ مَدْحْ اَشـْـــرَافِ بَالْقَوَافِ
يَمْدَحْهَمْ بَالْمـَـــــدْ اَمْنْ اِﮜَدْ يَحِْص لَحْــــِص بَالْفَيَافِ
ءُ لاَرَجْلـَـــتْهَمْ يُومْ الصَّهْدْ صَـهْدْ اَﮜـْدَاوَهْ مَاهُ طاَفِ
بَالْكُورْ ءُ لَمْدَافَعْ وَ الْهَـــنْدْ وَ اخْــنَاجَرْ كِيفَتْ ِلشَافِ
وَ امْطاَرَﮜ ْ عَارَظ ْ فِْيه اَرْعَدْ يَحْـــــــثِ تَذ ِْريتْ السَّافِ
ِبيهَ كَلْ اَزْمــَــــــانْ اوُرَعَدْ اِهَــدَّدْ فاَلشـَّـــــرْ ءُ نَافِ
فَالْبَعْثْ اِلَيْنْ اَعْـﮜَبْ مَا ﮜَدْ يَكـُــــــــونْ اِدَاِر ِواعـَافِ
وَلَّ يَعْرَفْ عَنْ لَـمْرْ اَشْتَدْ لـَـشَـــرَّﮜ ْ فَسْـــــفَلَ سَافِ
لِينَ ِويلَ ســَــــــوْحَلْ يَرْتَدْ تَحْتْ الذَّمَّ سـَـــافِ حَافِ
مَاهُ لاَهِ يَسـْـــــــــــلَكْ فـَـبْلَدْ يَسْوَ يَسْتَـﮜْبَلْ ِواﮜـــَــــافِ
هَاذَ حـَــﮜ ْ اَعْـــــِليَ مَنْ ﮜَدْ ﮜَوْلْ الْحَـﮜ ْ ءُ ِفيهْ امْكَافِ
مَا نَبْغِيهْ اَخـَـــيْرْ اَلْهَمْ بَعْدْ لُ نَخـْـــــتَيْرْ اَنْكاَفِ ظَافِ
اَلْحَاسَدْ مَا نَبْغـِــــــــيهْ اِجَدْ فَنْكــــَــــــافِ لاَ بَدْ اَنْكاَفِ

مَنْ تَعْـدَالْ الْهَمْ اَنْتَ فَمْ اَلْهَمْ اَلْمَوْجُودْ اَفْكاَفِ كَافِ

اَذْرَاِر سِـيــــدَحْمَدْ بَــدْعِ بِيهْ اَﮜـْــدَلْهَـــــمْ مَنْعِ صَنْعِ
مَـذاَلُ سَاكــَــــــنْهَمْ مَنْعِ ِبيهْ اَلْمـُـــــوجَبْ رَبْعِ عَافِ
رَاهُــــوَ مُحـَــــــمَّدْ دَرْعِ مَنْ ِش لاَهِ اِشِيبْ اَوْصَافِ
لَيْنْ اَخْتَرْتْ اَشْرَافْ اَفْرَبْعِ ذَاكْ اَلْعــَــــــافِ ﮜَمْتْ اَمْوَافِ
شَكْرْ اَشْــرَافِ ذاَكُ طَبْعِ يَاللــّـُـــــــــيُوثْ اَلْمَا تَنْحَافِ
شَوْرْ اَلْعَـارْ ءُ لاَ تَنْدَرْعِ عـَــنْ ِش زَيْنْ ءُلاَ تَنْشَافِ
فَبْـــلَدْ ذَمْ ءُلاَ تَنْسـَـــمْعِ طَبْعَــكْ مَا مَنْ حَدْ اَتْخَافِ
ءُ عَنْ ِش صَالَحْ مَا تَنْذَرْعِ وَ انْهـَــــــارَكْ فَالْفَتْنَ دَافْ
مَعْــنَ ذاَكْ اَنْتِ تـَــــرْتَفْعِ عـَﮜــْـــبَانْ اَبْرِيشْ الْخَوَافِ
حـَـــــــاكَمْ لَلْبـُــغاَتْ اَلْمَرْعِ تَحْـــــــتَكْ يَنْطَقْ مَا مُسَافِ
عَنُ عَــــــــيْنِيكْ ءُلاَ نَدْعِ ِبيكْ اَعْـــِليهْ اَبْلَغْتْ اِسْرَافِ
فَالنــَّــــاسْ اَللــِّـيلُ تَنْتَزْعِ يَشْرَافِ ســـَـــــاعَةْ خِلاَفِ
تَنــْــــــتَزْعِ سـَـــوَايَعْ نَفْعِ يَشـْـــــرَافِ لَرَمْتْ اِنْصَافِ

مَنْ تَعْـدَالْ اَلْهَمْ اَنْتَ فَمْ اَلْهَمْ اَلْمَوْجُودْ اَفْكَافِ كاَفِ

النَّاسْ اَبْلَحـْـــرُوف ْاُنَجــَاتْ اِلِّ جـَـــــاتُ مَنْ مُنَجَاتْ
اَفْلَحْرُوفْ اَلِّ فــَـاتْ انْجَاتْ مَنْ شَرْ اَلْمَعْــبُودْ اَلْكاَفِ
ذِ الْحُروُفْ اَلِّ فاَتْ اَرْجاَتْ خَيْراً مَنْ شـَــرِّكْ مَتْناَفِ
عاَدَتْ ِفيهْ اَعـْــــلَ دَرَجَاتْ فَالْمـُــــــناَجاَتْ ءُلاَ خاَفِ
عَنْ لَحْرُوفْ اَﮜْبَيْلْ اُهَجَاتْ فِيهْ اِفــَـــــــرَّحْنَ فَالْخاَفِ
وَاَمْنَيْنْ اُهـــَــــجاَتْ اَحَجَاتْ حَقاَئِقْ بُمـُـــــورْ اَشْرَافِ
حَزْتْ اَحْروُفْ اَمْنَيْنْ اَتْفاَجَاتْ حـَﮜ ْ ءُوَاعَدْ قــََــافِ قاَفِ
وُلَهْلْ اَلْحـَـاجَاتْ اَللِّيلِ جَاتْ وَ الَّ وَاعَ كــَـــافِ كاَفِ

مَنْ تَعْـدَالْ اَلْهَمْ اَنْتَ فَمْ اَلْهَمْ اَلْمَوْجوُدْ اَفْكَــــافِ
كاَفِ ذَاكْ ءُكافِ مَنْ هَمْ اَلْهَــمْ اَلْمـُوجُـــودْ اَفْقاَفِ

العــراﮜـــيات
يقول الشاع لحبيب ولد اصنيب

يَزْمَاِن سَـــمْعَك ْ فَهْلْ التَّلْ مَاهُ شـــَــــــيْنْ اَلْحَمْدُ للهْ
بِيكْ اَلْمَا تَعْــــــرَفْ تَعْجَلْ عَنْ غَزِّ ناَهـَـــظْلَكْ تَلْـﮜاَهْ
وَالظــَّــيْفْ اِلاَجَا مَا تَبْخَلْ لَفْرَاشُ وَ احْسَانُ وَاعْشاَهْ
وَلِّ عـَـدَاكْ اَعْــلِيهْ اَثـْقَلْ وَالْعَادَ يَعـْـــجَلْ عَـنْ مَوْتاَهْ
وَكْتَنْكْ جـــَـامَعْ ذ َ بَالْكَلْ وَاسَوْدَارْ اَلْخــَـــيْمَ وَاكْفاَهْ
لَغْنَ حَدْ اجْـــــبَرْلُ مَحَلْ اِلاَ غَـنَّ يَزْياَنْ اَغــْــــــناَهْ

وَاﮜْلَعْتْ اَلْوَرْوَارْ اَبْلَشْفاَرْ اَمْنَيْــــــدِينْ اَلِّ مَا يَنْسَاهْ
وَارْتَعْتْ اَفْزَمُورْ اَبْلاَعاَرْ فَادْيـَـارُ وَافْمَاهْ ءُ مَرْعَاهْ
وَامْنَيْنْ اَسْلَكْتْ اَمْنــَــنَيَّارْ اَحْمَـــــــدْ ذ َ لَلْمَوْلَ حَشَاهْ

نَجْعْ اَرْﮜَيْبْ اَزْمَانْ اَبْلاَ عَارْ اِدَاِر مَا يَخــْــــــــــتَيْرْ اِشَارْ
اَلْتَوْخـَــظْ مَا كَثْرَتْ لَخْبَارْ يَصْبَرْ لَلْخَاطِيهْ اَلْعَـــــــثْرَاتْ
ءُ يَصْبَرْ تَجْبَارْ اَهْلْ التَّجْبَارْ وَاتْهَنْتِيتْ اللَّصْ اَلْهَـــــنْتاَتْ
غَيْرْ اِلاَ لَتْحَـﮜ ْ بَالْمَعْــــيَارْ يَفْرَغْ تَفْتَاتْ اَهْلْ التَّفـْـــتَاتْ
وَلِّ مَنْ لَعْــرَبْ لُ لَغْــفاَرْ يَمْنَعْــــهَمْ مَنّ ُ بَالْحَصْـــرَاتْ
وَلِّ مَا ﮜـَط ْ اَشْـرَبْ لَمْرَارْ يَسْــﮜــِـــيهْ اَبْلَشْرَارْ اَلْمَرَّاتْ
وَمْنْ أطاَرْ اِلوُحْ اَفْــدَكَارْ لَعْدُ رَجـــَّـــــــــالَ وَاعْلَيَاتْ
ِو ِجيبْ اَمْنْ اَمْداَفعْ لَشْوَارْ يَاسَرْ ِوجــِــــيبْ اَدْفـَيْنِجَاتْ
وَ الْوَرْوَارْ اَيَّاكْ اَلْـــــوَرْوَارْ اَمْنَعْلاَهْ الرُّبَاعــِـــــــــــــيَاتْ
يَـﮜـْلَعْهَمْ ِوحَنِّ لَـظـْفــَـــــارْ اَمْنَعْدوُهْ اَفْبَلْ الظــِّــــــﮜــَاتْ
يَلِّ مَنـْـــــــذ َ لاَهِ تَشـْـﮜــَارْ لاَ تَشـْﮜــــاَرْ أِبيهْ اَلْــذ َ فاَتْ
ﮜَبْلَكْ فَانْبَاطْ اَعْرَبْ ﮜــَـنَّارْ وَامْعــَــــــرَّﮜ فَاوْلاَدْ اَلْمُلاَتْ
ءُ عَاﮜَبْ ذ َكَامَلْ مَنْ لَخْبَارْ اَلِّ يَرْتــَــــــدْ اَفْـذ ُ اََلْقَـرْيَاتْ
مَنْ لاَهِ يَنْعَتْ ﮜــَــــدِ النَّارْ لَلِّ نَارُ مَا ﮜــَــــــط ْ اَطْفاَتْ

نَجْع اَرْﮜـَـيْبْ اَخـْلاَصُ لَلدَّيْـنْ زَيْنْ اَفْذاَك ْ اَلدَّهْرْ اَلِّ فاَتْ
وُزَيْنْ اَفْغـَـِز لَفْـرَيْعْ اَمْنَيْنْ خَلْصُ صَلاَّحْ اَخـْــرَيْبِشاَتْ
وُزَيْنْ اَخْلاَصُ مَنْ لَحْسَاسِينْ فـَرْغُ وَاُوسِـيـﮜـَـتْهَمْ وَلاَتْ
وُزَيْنْ اَمـَّـــــــلِّ فَالسَّبْطِيِينْ اَلدَّارْ اَمْنَيْنْ الدَّارْ اَخـْـلاَتْ
وُحَتَّ ذ ُ الطـَّـيْحَاتْ الثَّنْتَيْنْ اَلْفَالشَّرْﮜ ْ ءُ فاَلْـﮜـَبْلَ زَيْنَاتْ
ءُ عـَاﮜَبْ هاذَ ﮜـَاعْ اَمْنْ الزَّيْنْ اَلِّ ِبيهْ الــدَّنْيَ غـَـــــــيَاتْ
اَزْيَنْ مَنُ نَجْـــعْ اَغْوَيْبِينْ اَعْــــدَمْ وَلِّ مَنُ مَا مَاتْ
ذَاكْ اَلاَّ عَدُ مــَـــاتْ اَمْنَيْنْ الشَّرْفَ ﯕَاعْ اَعْلِيه اَنْبَاتْ

نَجْعْ اَرْﮜَيْبْ اَعْمَارَتْ لَوْطاَنْ بَالسَّرْْفَ وَاتَّـمْ اَلْجــِــــــــيرَانْ
اَفْظـَــــلُ وَادْفــَــــاهْ اَبْلَمَانْ تَوْكَلْ فــِـــــــيهْ اَدْيَارْ اَعْفِيَاتْ
تَوْكَلْ دَارْ اَفْرَحـْــــبَة ْ وَدَانْ وُ دَارْ اَلـَــوْسْ أدَارْ اَظْوَيَّاتْ
مَنْ شَـوْرْ اَسْطَيْلَةْ بَالْـﮜَرْدَانْ آدَتْ وَ الـصِّـﮜاَنْ ءُلاَ خَلاَّتْ
دَارْ افـْــــــمَرْتَعْهَا فاَلْكَرْبَانْ مَا نَزْلـَــــــتْ فِيهَ وَ اتْمَثْنَاتْ
أشَرْبَتْ فاَلْمَخْرَفْ وَاسْـﮜَانْ وَاعْلَ سَاحَلْ هَاكْ اتْـﮜــَــناَتْ
اَعْلَ دَارْ اَلْهَا بَقـــَــــــشَانْ لَبْيَظ ْ مَنُ شُورْ اَلْعــَـــــدْوَاتْ
ءُ شَرْبَتْ مَنْ مَ ِبيـرْ انْزَرَانْ وَامْناَهَلْ ِتــيرَسْ لَيْن اَرْوَاتْ
أشَرْبَتْ فـَــنْهَارَاتْ اَلْحَمَّانْ وَالْـﮜَلْتَ وَ امَّاضَعْ لَـﮜــْــلاَتْ
ءُ نَزْلَتْ دَارْ اَﮜـْلاَبْ اِنِيَّانْ ءُ دَارْ اَﮜـْلاَبْ الزَّعْزاَعِــــيَاتْ
أدَارْ اَقـــَــــــيْلاَسْ اُدَرَّمَانْ وَيْجْ اُلَجْوَادْ وُلَبـَّــــــــــــيْرَاتْ
ءُلاَ ﮜَطْ اَدْوَاتْ اَمْنْ اَلغَزْيَانْ وَ لِّ بِيـــهَا مَا ﮜــَــط ْ اَدْوَاتْ

نَجْعْ اَرْﮜَيْبْ أَرْخَسْ يَالْجَلاَلْ اَلِّ ﮜــَــط ْ اَفْعَـــــلْ مَنْ لَفْـعَالْ
اَعْلِيهْ الدَّهْـرْ اَمْنَيْنْ اَطْوَالْ مَعَادْ اَخــّـُــــــوتْ اُلاَهْ اَخـْوَاتْ
ِبيـــهْ اَبْــــــلاَلْ اُِبيهْ اَلْبَلاَّلْ وَاعْيَانْ اَجْمــَـــــاعَتْ لَبَّيْهَـاتْ
وَاهْلْ اَحْمَدْ بَنْ لَحْسَنْ مَزاَلْ ِفيهَمْ بَناَّصَرْ وَاعـْـــــــــــــلَيَّاتْ
وَ اَمْحَمَّدْ لَلْخَلِيلْ اَﮜـْـــــبَالْ وَاحْيَاتْ اَحْمَدْ سَالَمْ وَاحْـيَـاتْ
عَبْدْ اَلْحَيْ ءُ ذ َ مَنْ لَطْفاَلْ اَلْيَحْظَرْ فَجْمُوعْ اَكْـــــــــبَارَاتْ
وَ النَّجْعْ اَلِّ مَـنُ كـَــــمَالْ حَاظَرْ وَاحْظَرْ نَجْعْ اَتْهَــــلاَتْ
وَاوْلاَدْ الشِّيخْ اََلْمَنـْهـَـمْ ﮜاَلْ ِش ﮜَوْلْ اَوْلاَدْ الشِّيخــِــــيَّاتْ
وَلِّ مــَـنْهَمْ غَلْبُ تَعـْــــدَالْ حَاســـَـــــدْتـُــولُ لُمَمْ لَخـْـلاَتْ
اَحْظَرْ وَاتْحَـــــــمَّلْ لَزَﮜـَّـالْ لَحْيَ بَنْ عــَـثْمَـــــانْ ألَيْتَتاَتْ
وَارَاهُ مَافاَتْ اللـَّــــيْلَ ﮜاَلْ النَّدَمُ عَلىَ مَا فــَـــــــــــــــاتْ

شركم حد اﮜبل يبغيه
و يقول ايضاُ :

شَرْكَمْ حَدْ اَﮜْبَلْ يَبْغِيهْ مَا اَتْلَ يَبْغِ ذاَكْ الشَّرْ
صَابْلُ ِبيهْ اَلِّ مَا ِفيهْ اَلْحَدْ يَبْغِيهْ يَكُونْ اَلْحَرْ

حَدْ كاَرَهْكَمْ كَافْ أُ قاَفْ ذاَكْ مَرْ اَغْرَشْ عَنُ هَافْ
ءُ حَدْ حَاﮜَرْكَمْ كَانُ شَافْ جَيــْــــشْكَمْ فَانْهَارَاتْ الشَّرْ
خاَفْ مَنْكَمْ وَاجْمَعْ لَطْرَافْ وَلاَ اَتْلَ عَاﮜَبْ ذاَكْ اَبْصَرْ
ءُ عَافْكَمْ مَنْ لَزْمُ لاَعـَـافْ شَـرْكـَـــــــــــمْ لَحْكِيمْ لَخْبَرْ

شَرْكَمْ حَدْ اَﮜـْبَلْ يَبْغِيهْ مَا اَتْلَ يَــبْغِ ذاَكْ الشـَّـــرْ

شَرْكَمْ فـَــــنْهَارْاتْ اَلْهَوْلْ ِبيهْ شَيَّعْــتُ عَلْبْ اَلْبَوْلْ
أُ ِبيهْ رَتَّعْـــتُ جَلْ الدول أُِبيهْ ﮔـَــــــوَّمْتُ فَالْمَحْصَرْ
اَقْرَظْكَمْ وَ اَلْخَطـَّـارْ اَتـْﮔًولْ كَلْ حَدْ اَعْــلَ حَدْ افْلَـﮔْصَرْ
عَنْ مَاتْلَ حَدْ اِصوُعْ اَلْمُولْ كوُنْ فَرْﮔــَــيْبْ ءُ يَسْتَبْشَرْ
وُزَازْ ذاَكْ اَلْهَوْلْ اَعْلَ هَـوْلْ اَزْرَاﮔ ْ ءُ لَبْتـــَـــــيْتْ ءُ كَرْ
ءُحَدْ ِبيهْ اَنْتوُمَ مَدْخــُــــولْ مــَــاتْلَ فاَلدَّهْــــــــرْ اِدوُرْ

شَرْكَمْ حَدْ اَﮜـْـــبَلْ يَبْغِيهْ مَا اتْلَ يَبْــغِ ذاَكْ الشـَّـرْ

شـَـــــرْكَمْ حَدْ اِدوُرُ كـَـانْ مَاتــْــــلَ لاَهِ فـِـــــيه ْ اِباَنْ
ءُ حَدْ مَـنْكَمْ مَا صَابْ اَلْمَانْ لاَوْرَدْ مُحـــــَــــــــالْ اِصَدَّرْ
ءُلاَ اَتْلَ يَنْهَضْ فاَلْغَزْيَانْ ءُلاَ يْجِيبْ الرَّبْحْ اَمْنْ اَنْدَرْ
ءُلاَ اتْلَ تِشــِـــيتْ ءُوَدَانْ اِشَوْفْهَمْ مَاهْ مَقـــْـــــــــــفَرْ
ءُلاَ اتْلَ اِرَتَّعْ فاَلْكــَـــرْبَانْ وَاســَّــاقْ ءُ حَوْمَتْ لَحْــجَرْ

شَرْكَمْ حَدْ اَﮜْبَلْ يَبْغِيهْ مَا اَتْلَ يـَــــــبْغِ ذاَكْ الشَّرْ
صَابْلُ ِبيهْ اَلْمَا ِفـــــــيهْ اَلْحَدْ يَبْغــِـــــيهْ يَكُونْ اَلْحَرْ
تــمـــــــــت

الـشاعرماء العينيــن احمد محمود
ولد محـمـد ولد النيسان من مواليد
مدينة الداخلة سـنة 1955ميلادية
تلقى تعليمه الإبـتــدائي بـموريتانيا
عاد الى ارض الوطن من موريتانيا
ابان الاستعمارالاسباني سنة1970

ثم التحق بـــمـدرسـة الـتـكـويـن الـمهني P.P.O
تخرج منها مـتـخــصـــصا في الكهرباء المنزلية
التحق بمخيمات تيندوف سنة 1975 ثم عاد منها
سنة 2005 مـــيــلاديــة.
متزوج واب ل 06 ابناء.
شارك في العديد من الملتقيات الوطنية والجهوية
وحــــــاز خــــلالها عدة جوائز هـــــــامة .
مهتم بتوثيق التراث الحساني وآدابه.
له ديوانين تــــحت الطبع:
* الــــــمــدخل.
* الـــنـقـلي.

جهد مميز ... سلمت يداك
وتعريف بغرائب أشعار واقوال تثبت ان الشعر " ديوان العرب "
زادك الله من نعمه

انعم واكرم باولاد ماء العينين .
وكل اهل موريتانيا.

[align=right]
اخي الكريم الاستاذ الالوسي, ابى قلمك الا ان يقطر ذهبا , موضوع مميز كما عهدنا عنك بارك الله فيك و نفع بك ....
[/align]

بارك الله في أستاذنا الالوسي .
أنعم و أكرم بالشرفاء اركيبات

الاقتباس غير متاح حاليا
جهد مميز ... سلمت يداك
وتعريف بغرائب أشعار واقوال تثبت ان الشعر " ديوان العرب "
زادك الله من نعمه
اللهم آمين و زادك ربي من نعمائه و فضله

انعم واكرم باولاد ماء العينين .
وكل اهل موريتانيا.

انعم بك و اكرم بك
هذا من طيب أصلك و معدنك

اخي الكريم الاستاذ الالوسي, ابى قلمك الا ان يقطر ذهبا , موضوع مميز كما عهدنا عنك بارك الله فيك و نفع بك ....


بارك الله فيك استاذنا و لو لا الله ثم هذا الموقع المتمييز لما تيسر لنا هذا
فالشكر أولا و أخيرا لكم


بارك الله في أستاذنا الالوسي .
أنعم و أكرم بالشرفاء اركيبات

أنعم بك و أكرم بك
و بكل البوفارسيين

دهر الركيب فتيرس بتمام دهر اركيب مبني لخيام
ليبال اعليهم كون ارجاام قوة لمداف وامراكيب
اركيب على كدو حكام مايحكم يكون الحسيب
لرض معمرها عام فعام بمحاصر وايبال والكسيب
البند المرشوك الكدام الخيل الى تشرب لحليب
والنساء فجانب لريام الزين اللي فيهم عجيب
والهول الزين اللي يرتام اللي فيه اداوي لعطيب
سيداتي والشيخ وهمام بل ازوان امنين اطيب
سدوم اللي يعرف لخيام سدوم اللي هولو عجيب
فبنو وهيب الزين التام يمشي بيه اغني بطريب
لتهالي وجميعت سلام والموساوي نوعو عجيب
والمارك قاسم من لخيام واهل الباد حكامت لحبيب
لبيهات الزين المقام ولخلى شيخي سدر الطيب
والفقر واسواعد بتمام لحسن واحماد ولاهي انجيب
المارك داود من لقسام عبد الواحد ومع لحبيب
وانعد السلوكي بتمام لموذن واجميع الطاليب
ولعياشي مافم اعظام حتى هو عندو نصيب
وانعد البورحيمي بتمام هو الباكيلي من لحسيب

ط¨ط§ط±ظƒ ط§ظ„ظ„ظ‡ ظپظٹظƒ ظٹط§ ط§ط³طھط§ط° ط§ظ„ط£ظ„ظˆط³ظٹ ط¹ظ„ظ‰ ظ‡ط°ط§ ط§ظ„ظ…ظˆط¶ظˆط¹ ط§ظ„ط¬ظˆظ‡ط±ظٹ.
ظ†ط§ط²ظ„ط© ط¹ظ†ظƒ